स्याङ्जा १५ असार । पहिराले घर बगाउदा फेदिखोला गाउँपालिका ४ बाँगेका आमा छोरीको ज्यान गएको छ भने घर र गोठ समेत भत्किएको छ ।
बर्षाका कारण माथिबाट पहिरो झर्दा गएराती ३१ बर्षिया दुर्गा जिटी र उनका ३ बर्षिया छोरी निकिसा जिटीको ज्यान गएको प्रहरी नायब उपरीक्षक इन्द्रबहादुर रानाले जानकारी दिनुभयो ।
ढुङगा, माटा र टिनले छाएको १ तले घर भन्दा झण्डै २०÷२५ मिटर माथिबाट पहिरो झर्दा घरमा सुतिरहेको आमा छोरीको घटनास्थलमा नै मृत्यु भएको प्रहरीको भनाई छ । यसैगरी, गोठमा रहेको १ भैसी पनि मरेको बताइएको छ ।