स्याङ्जा, २० बैशाख । ईलाका प्रशासन कार्यालय वालिङले मंगलबारदेखि आफ्नै भवनबाट सेवा सुरु गरेको छ । कार्यालय स्थापनाको झण्डै २३ बर्षपछि कार्यालयले आफनै भवनबाट सेवा प्रवाह गरेको छ ।
प्रमुख जिल्ला अधिकारी शशिधर घिमिरेले नागरिकता, राहदानी र राष्ट्रिय परिचयपत्र प्रदान गरेर वालिङ नगरपालिका ९ सुर्कौदी स्थित नवनिर्मित आफ्नै भवनबाट सेवा शुभारम्भ गर्नुभएको हो ।
विस २०५७ सालमा स्थापित ईलाका प्रशासनले यसअघि नयाँबजारबाट ४ बर्षसम्म र त्यसपछि वालिङ ८ कटौंजेमा १९ बर्ष भाडाको घरवाट सेवा दिदै आएको थियो ।
करिब ४ रोपनी क्षेत्रफलमा ३ करोड २२ लाखको लागतमा सुबिधा सम्पन्न भवन निर्माण गरिएको छ । भवन साढे २ तला र १४ कोठे भवन अपांगमैत्री बनेको घनश्याम गौतमले जानकारी दिनुभयोे ।
कार्यालयबाट नागरिकता, राष्ट्रिय परिचयपत्र, राहदानी, मतदाता नामावली, नाबालक परिचय पत्र, दलित, जनजाति प्रमाणित, शान्ति सुरक्षा लगायतका सेवाहरु उपलब्ध हुन्छन ।
स्याङ्जाका ११ पालिका मध्ये ७ वटा पालिकाबासीले इलाका प्रशासनबाट सेवा लिदै आएका छन् । प्रशासनबाट दैनिक ६० वटा नयाँ नागरिकता, झण्डै ७० भन्दा बढी राहदानी लिने गरेको सूचना अधिकारी सुभाष पौडेलले जानकारी दिनुभयो ।
जिल्लाका दक्षिणी क्षेत्र अन्र्तगत वालिङ, चापाकोट, गल्याङ नगरपालिका र कालीगण्डकी गाँउपालिकाका सबै र हरिनाश गाँउपालिका र भिरकोट नगरपालिका केही वडा यस अन्र्तगतका इलाका कार्यक्षेत्र भित्र पर्दछन् ।
साढे २ तल्ले १४ कोठे भवन अपाङ्गमैत्री बनाइएको छ भने आधुनिक प्रविधिबाट निर्माण सम्पन्न गरिएको इलाका प्रशासन कार्यालय वालिङका प्रमुख घनश्याम गौतमले जानकारी दिनुभयो ।
सोमवार दिन उत्तम साईत पारेर अष्टकन्याद्धारा कार्यालय प्रवेश गरेको कार्यालयले जनाएको छ ।