स्याङ्जा, ११ चैत । गल्याङ नगरपालिकामा शनिबार सम्पन्न वडास्तरिय सुपर सिक्स क्रिकेट प्रतियोगिताको उपाधी मालुङा युवा क्लबले जितेको छ ।
ुराष्ट्रका लागि खेलकुद स्वास्थका लागि खेलकुदु भन्ने मुल नारासहित गल्याङ नगरपालिका ९ बेल्चौरमा सम्पन्न वडास्तरिय सुपर सिक्स क्रिकेट प्रतियोगिताको उपाधि दिमिक युवा क्लब पराजीत गर्दै मालुङाले हात पारेको हो ।
उपाधि जितेसँगै मालुङा युवा क्लबले नगद २५ हजार प्राप्त गरेको छ । उपविजेता दिमिक युवा क्लबले १५ हजार सहित नगद सहित विजेता र उपविजेताले शिल्ड, मेडल र प्रमाणपत्र प्राप्त गरेका छन् ।
प्रतियोगिलाई पुरस्कार वितरण गर्दै गल्याङ नगर प्रमुख गुरुप्रसाद भट्टराईले राष्ट्रिय खेलाडी बनाउनको लागि यस्ता प्रतियोगिताले महत्त्वपूर्ण भुमिका खेल्ने बताउँदै गल्याङ नगरपालिकाको समग्र विकासको लागि रहेको बताउनु भएको थियो ।
कार्यक्रममा गल्याङ नगरपालिका ९ का अध्यक्ष नामदेब खनाल, समाजसेवी टंकप्रसाद खनाल, नरेन्द्र अर्याल लगाएतले शुभकामना मन्तब्य सहित क्रिकेट खेलाडीलाई सहयोग सहित उत्साह बढाउनु पर्नेमा जोड दिनुभयो ।
बेल्चौर क्रिकेट क्लबका अध्यक्ष प्रकाश खनालको अध्यक्षता भएको कार्यक्रमको सञ्चालन सालिकराम खनालले गर्नु भएको थियो । चैत ६ गतेदेखि सञ्चालन भएको प्रतियोगितामा १४ समूह सहभागी थियो ।