स्याङ्जा २० पुस । गण्डकी प्रदेश शिक्षा संस्कृति बिज्ञान प्रबिधि तथा सामाजिक विकास मन्त्री मेखलाल श्रेष्ठले सीप सिकेर आत्मनिर्भर बन्न तालिमका सहभागीलाई सुझाव दिनुभयो ।
शिक्षा संस्कृति बिज्ञान प्रबिधि तथा सामाजिक विकास मन्त्रालयको आर्थिक सहयोग तथा नारी समता केन्द्र स्याङ्जाको आयोजनामा संचालित ७ दिने झोला बुनाई तालिमको समापन गर्दै मन्त्री श्रेष्ठले अभावले नै बिभिन्न किसिमका हिंसा र दुब्र्यवहार निम्त्याउने जनाउदै सिप सिकेर सक्षम बन्न सकेमा अभाव नहुने उहाले जोड दिनुभयो ।
्
तालिममा सहभागीलाई तालिमको सही सदुपयोग गर्न आग्रह गर्दै उहाँले ब्यवासयी बन्न चाहनेलाई थप कोर्शको तालिम उपलब्ध गराउने बताउनुभयो । आफु पदमा रहदा वा नरहदा पनि सहयोग गर्ने उहाले भन्नुभयो ।
कार्यक्रममा नेपाली कांग्रेस महासमिति सदस्य सीता गोदार, महाधिवेशन प्रतिनिधि धनकुमारी थापा, प्रदेश क का सभापति केशरबहादुर खाँण धुव, पुतलीबजार नगरसभापति सुरजकुमार अधिकारी, जनप्रतिनिधि बिष्णुकुमार श्रेष्ठ, वडा सभापति कमलकान्त उपाध्याय, पत्रकार महासंघका उपाध्यक्ष भवानी अधिकारी, तालिममा सहभागी मिठु गोदार र कल्पना गोदार लगायतले आ आफना धारणा ब्यक्त गर्दै तालिमको उपयोग गर्न सुझाव दिएका थिए ।
नारी समता केन्द्रका अध्यक्ष तारा मल्लको अध्यक्षतामा सम्पन्न कार्यक्रममा उपाध्यक्ष सविता मल्लले स्वागत एवं कोषाध्यक्ष नन्दु थापाले संचालन गर्नुभएको थियो । तालिममा ४८ जना महिलाहरु सहभागी थिए भने तालिममा इमानकुमार दर्जीले प्रशिक्षण दिनुभएको थियो ।
