स्याङ्जा ११ जेठ । विश्वकै सर्वोच्च शिखर सगरमाथा हिमालको स्याङ्जाली युवा सुरजले सफल आरोहण गर्नु भएको छ । आरोहणसंगै उहाले सगरमाथामा आँधीखोले सभ्यता बोकेको लोगो अंकित झण्डा फहराउन सफल हुनु भएको छ ।
स्याङ्जाका ३६ बर्षिय सुरज पौडेलले विश्बकै अग्लो चुचुरो सगरमाथामा आरोहणमा सफलता मिलेसंगै उहाले आँधीखोले झण्डा फहराउनु भएको हो ।
आँधीखोला गाउँपालिका २ चिलाउनेवासका पौडेलले जेठ ७ गते बिहान १० बजेर २० मिनेटमा हिमाल आरोहणमा सफलता मिल्यो ।
हाल उहा सशस्त्र प्रहरी बलका प्रहरी निरीक्षक पदमा सेवारत हुनुहुन्छ । उहाले शेर्पा एक्स्ट्रिम प्रा.लि.मार्फत चैत ३० मा सगरमाथा आरोहणका लागि प्रस्थान गर्नुभएको थियो ।
सर्वोच्च चुचुरोमा पुगेर उहाले आफनो जन्मथलो आँधीखोला गाउँपालिकाको लोगो अंकित झण्डा र कर्मक्षेत्रको सशस्त्रको झण्डा समेत प्रर्दशन गर्न भ्याउनुभयो ।
सगरमाथा आरोहण गर्ने उहा आँधीखोलाका पहिलो ब्यक्ति हो भने जिल्लाको पनि संभवत ः पहिलो हुन सक्ने अनुमान गरिएको छ ।
शरद पौडेल र रिता पौडेलका छोरा सुरजले पदयात्रा लगायतमा रुची रहेको उहाले जनाउनुभयो ।
सगरमाथामा फहराएको झण्डा आँधीखोला गाउँकार्यपालिकाले आफनो पालिकाका महत्वपूर्ण स्थल समेटेर निर्माण गरेको हो।