स्याङ्जा, पुस १७ गते । अर्जुनचौपारी गाउँपालिका १ रैतेका ४२ बर्षिय कृष्ण प्रसाद शर्माले सरकारले नागरिकका आवश्यक मागहरुको पुर्ति नगरेको गुनासो गर्नु भएको छ ।
जनताका गुनासो सुन्ने उदेश्यले स्याङ्जा क्षेत्र नं १ का संघीय सांसद राजु थापाको सचिवालयले गरेको जनता र जनप्रतिनिधीसगँ संघीय सांसद कार्याक्रममा शर्माले पहुचको आधारमा बजेट बिनियोजन हुदाँ अत्यावश्यक ठाउँमा बजेट नपुगेको गुनासो गर्नुभयो ।
नेता, सांसदको घर घरमा बिजुली, मोटरबाटो, खानेपानी पुगेको बताउदै शर्माले सामान्य पहुच नभएका नागरीकले भने सुबिधा पाउनबाट बन्चित भएको बताउनुभयो ।
यस्तै दारेगौडाकी झयापी देबी साही समुन्द्रले आफुहरु भएका कारण दलित बस्तीमा पाउनु पर्ने अत्यावश्क हसुबिधा नपाएको बताउनुभयो ।
छेउ छाउँमा मोटरबाटो छ, अन्य जातको बस्तीमा घर घरमा खानेपानी छ, सामुदायिक भवन छ तर हाम्रो बस्ती भने सबै हेरेर चित्त बुझाउनु परेको गुनासो गर्नुभयो ।
वडा नं १ का कमलकान्त अर्यालले कृषि प्रदान देश कृषिमै ढुङगे युगमा रहेको बताउनुभयो । उहाँले पहुचको आधारमा अनुदान बितरण गरिएको बताउदै कृषिमा सहयोग कामको आधारमा हुनुपर्ने बताउनुभयो ।
सुन्तला उत्पादनमा अग्रणी जिल्ला स्याङ्जाका कृषकले मुल्य कम पाएको र बिक्री बितरणमा राज्यले ध्यान दिनु पर्ने बताउनुभयो ।
कार्यक्रममा गाउँपालिका अध्यक्ष प्रकाश तिवारीले पालिकाले सम्बाधेन गर्न नसकेको जनताका आवश्यक माग सम्बोधन सरकारले आनाकानी गरेरमा जनताको हस्ताक्षर सङकलन गरेर सिहदरबार घेराउ गर्न पुग्ने बताउनुभयो । उहाँले यहाँका मुख्य सडक कालोपत्रे, पुतलीबजार देखी नुवारभञ्ज्याङ सडकको बक्स कटिङको लागि पलह गरिदिन सांसद थापासगँ आग्रह गर्नु भएको थियो ।
४४ जना जनता तथा जनप्रतिनिधीले मुख्य गरेर खानेपानी, मोटरबाटो, सामुदायिक भवन, शिक्षा र स्वास्थ्य सेवा लगायतका बारेमा गुनासो गरेका थिए ।
गुनासको सुनुवाई गर्दै सांसद थापाले जनताको काम गर्न निर्वाचित भएको बताउदै जनताका माग पुरा गर्न प्रतिबद्ध भएर लाग्ने बताउनुभयो । खानेपानी, स्वास्थ्य, शिक्षा नागरिकका नैसर्घिक अधिकार भएको बताउदै सांसद थापाले पालिका र प्रदेश सरकारले गर्न नसक्ने कामको संघीय सरकारबाट गर्न लाग्ने बताउनुभयो ।
माग धेरै आएको बताउदै आवश्यक र मुख्य योजनालाई संबोधन गर्न पहल गर्ने सांसद थापाको भनाई थियो । श्रोत सुनिश्चित नभई ठेक्का खोल्दा र आर्थिक मन्दीका कारण यहाँका धेरै योजनाहरु अलपत्र परेको सांसद थापाको भनाई थियो ।
आर्थिक सम्पन्नता नभए सम्म सधै नागरिक समस्यामा रहने बताउदै थापाले त्यसको लागि सबै मिल्नुको बिकल्प नरहेको बताउनुभयो ।
आगामी दिनमा आफ्नो क्षेत्र भित्रका हरेक पालिकामा पुगेर गुनासो सुनेर केन्द्रमा पहल गर्ने थापाले बताउनुभयो । संघीय, प्रदेश सांसदले निर्वाचनमा निर्वाचि पश्चात स्याङ्जा गरिएको पहिलो पटक गरिएको सांसद कार्यक्रम हो ।