ओमप्रकाश शर्मा
स्याङजा, २५ असार । स्याङजाको सदरमुकाम स्थित काजिमान हरिटीका माध्यमिक बिद्यालयका संस्थापक मध्येका एक टीकाकुमारी श्रेष्ठको ८२ बर्षको उमेरमा आइतवार निधन भएको छ ।
पोखरा स्थित निवासमा उहाको निधन भएको हो । निधनको खबरले बिद्यालय परिवार मर्माहत भएको छ । उहाको हिजै बैदिक बिधि अनुसार सेतीनदी किनार स्थित शान्तिघाटमा अन्तिम संस्कार गरिएको छ । बिद्यालयका संस्थापक काजिमान श्रेष्ठको २५ बर्षअघि र हरिकुमारी श्रेष्ठको ८ बर्षअघि निधन भएको हो । सदरमुकाम स्थित त्रिभुवन आदर्श बिद्या मन्दिर मीडिल स्कूल र रात्रि पाठशालाले यस क्षेत्रका जनताका छोराछोरीको औपचारिक शिक्षा आर्जन गर्ने चाहनालाई थेग्न नसकेपछि स्थानीय जनताको आग्रहमा विस २०२५ सालमा स्वर्गिय काजिमान श्रेष्ठले आफनो तर्फवबाट ७ हजार रुपैंया क्षेत्रीय शिक्षा निर्देशनालय पोखरामा धरौटी राखी बिद्यालय संचालन गर्ने अनुमति माग्नु भएको थियो । तत्काल भाषा पाठशालाका गुरु पण्डित चक्रपाणी उपाध्यायको सहयोगमा पठनपाठन सुरु गराएका श्रेष्ठले स्थानाभावका कारणले कहिले देवानचोक स्थित पौवा र कहिले कुमालगाउँ स्थित भयरको थानको खुलाचौरमा घुम्ति पाठशालाको रुपमा आफनो प्रत्यक्ष निगरानी र रेखदेदमा बिद्यालय संचालन गर्नुभएको थियो । वि.सं. २०२७ सालमा बिद्यालय सञ्चालनको स्वीकृति पाए पनि सम्पूर्ण खर्च र पूर्वाधार निर्माणको जिम्मा पनि श्रेष्ठकै काधमा आइपरयो । आफु र आफना दुई धर्मपत्नी हरि र टीको नाममा समाजले जुटाइदिएको काजिमान हरिटीका पाठशाला समयक्रमको विकास र स्थानीय आवश्यकतासंगै हालसम्म झण्डै ५ हजारले प्रकाशिका परक्षिा उत्र्ती०ा गर्न सफल भएका छन । कक्षा १२ सम्मको अध्ययन अध्यापन हुने बिद्यालयले काजिमान हरिटीका बहुप्राबिधिक शिक्षालय गर्न प्रारम्भ गरेको अभियानमा राजनीतिक आग्रहका कारण स्थानइि पुतलीबजार नगरपालिकाको जनप्रतिनिधीको अहसयोगका कारण गतिरोध उत्पन्न भएको छ । बिद्यालय सेवा क्षेत्रका गरीव तथा विपन्न परिवारका हजारौंले औपचारिक शिक्षा मार्फत आफनो सामाजिक र आर्थिक जीवनमा ठूलो परिवर्तन ल्याउन सफल भएका छन् । यस बिद्यालयमा पढेका दर्जनौं पूर्व बिद्यार्थी देश विदेशमा ख्याती कमाएका बैज्ञानिक, चिकित्सक, इन्जिनियर, प्रशासक, राजनीतिकर्मी र सामाजिक अभियन्ता छन। उनीहरु संस्था र समाजका सम्पति हुन । निरक्षरलाई साक्षर बनाउने अनपढलाई पढाउने, बाटो बिराएकालाई औपचारिक शिक्षा मार्फत सत्मार्गमा डोरयाउन अभिप्रेरित गर्ने बिद्यालयका संस्थापक स्वर्गिय टीकाकुमारी श्रेष्ठप्रति हाम्रो पनि बैकुण्ठबासको कामना सहित श्रद्धासुमन ।
