स्याङ्जा १४ पुस । विरुवा गाउपालिका ७ स्थित शिव पार्वती महिला बहुउदेश्यीय सहकारी संस्थाद्धारा संचालित ७ दिने गुडिया बनाउने तालिम सम्पन्न भएको छ ।
शिक्षा संस्कृति बिज्ञान प्रबिधि तथा सामाजिक विकास मन्त्रालयको आर्थिक सहयोग तथा सहकारीकोे आयोजनामा तालिम गरिएको थियो ।
तालिम समापन कार्यक्रममा बोल्दै शिक्षा संस्कृति तथा सामाजिक विकास मन्त्री मेखलाल श्रेष्ठले महिलालाई आजआर्जनका सीप हस्तान्तरण गर्दै उनीहरुलाई ब्यवासायिक बनाउदै आयआर्जनमा जोड्ने उदेश्यले तालिम उपलब्ध गराएको बताउनुभयो । उहाले तालिममा सिकेका सीपलाई ब्यवसायि बनाएर अघि बढाउन समेत सुझाव दिनुभयो ।
गण्डकी प्रदेशका निवर्तमान संसद भागवतप्रकाश मल्लले सीप भएका ब्यक्ति जहिल्यै पनि आर्थिकरुपमा अघि हुने हुदा स्वावलम्बी र आत्मनिर्भर बन्नका लागि यस्ता सिपको आवश्यक पर्नेमा जोड दिनुभयो ।
कार्यक्रममा निवर्तमान वडाअध्यक्ष युवराज केसी, जनप्रतिनिधिहरु तालसिंह विक र राजेन्द केसी,, २ का अध्यक्ष नोमबहादुर गुरुङ लगायतले शुभकामना मन्तब्य सहित आवश्यक सहयोग गर्नेमा जोड दिनुभयो ।
सहकारीका अध्यक्ष तनकुमारी गुरुङ्को अध्यक्षतामा सम्पन्न कार्यक्रममा प्रशिक्षार्थी मथुरा केसीले स्वागत एवं सचिव तनकुमारी गुरुङ्ले संचालन गर्नुभएको थियो । ७० जना महिला सहभागी रहेको सो तालिममा गीता थापा रानाले प्रशिक्षण दिनुभएको थियो ।
