स्याङ्जा ३० बैशाख । नेपाल शिक्षक संघकोे ३५ औं स्थापना दिवस बिबिध कार्यक्रमगरी स्याङ्जामा मनाइएको छ । शिक्षक संघ स्याङ्जाले रक्तदान, क्यालेण्डर बिमोज तथा शिक्षक सम्मान लगायतका कार्यक्रम गरी दिवस मनाएको हो ।
दिवसको उदघाटन गर्दे संघिय सांसद राजु थापाले सबैभन्दा उत्कृष्ठ पेशा शिक्षक रहेको बताउदै पेशाको मर्यादा कायम राख्नेगरी अघि बढ्नु पर्ने बताउनुभयो । शिक्षकले आफना पेशालाई मर्यादित बनाउन इमान्दारितापूर्वक आ आफना जिम्मेवारी वहन गर्न उहाले स्ुझाव दिनुभयो । एक असल शिक्षकले मात्र असल नागरिक उत्पादन गर्ने बताउदै सबै शिक्षकका भूमिका महत्वपूर्ण रहने बताउनुभयो ।
कार्यक्रममा शिक्षक संघका केन्द्रिय उपाध्यक्ष लक्ष्मीप्रसाद रेग्मी, नेपाली कांग्रेसका निवर्तमान कार्यवाहक सभापति कुमार राना, गल्याङ् नगरप्रमुख गुरुप्रसाद भट्टराई, गण्डकी प्रदेश कार्यसम्पादन समिति सदस्य अजित क्षेत्री, रेडक्रस सोसाइटीका जिल्ला सभापति दिनेश अर्याल लगायतले शुभकामना मन्तब्य ब्यक्त गर्नुभएको थियो ।
संघका अध्यक्ष पशुपति पौडेलको अध्यक्षतामा सम्पन्न कार्यक्रममा उपाध्यक्ष बाटुली अधिकारीले स्वागत एवं सचिव युवराज ढकालले संचालन गर्नुभएको थियो । सोही कार्यक्रममा ३५ जनाले रक्तदान गरेका थिए । यसैगरी, संघको स्थापना दिवस पारेर शनिवार बिहान जिल्ला अस्पताल स्याङ्जामा फलफूल बितरण र एक सय ९ जना शिक्षकलाई सम्मान गरेको नेपाल शिक्षक संघ स्याङजाले जनाएको छ ।