स्याङ्जा २४ पुस । पुतलीबजार नगरपालिका १३ मा जारी अध्यक्ष कप फुटवल प्रतियोगिताको उपाधी स्मृति युवा क्लवले हात पारेको छ ।
स्मृति युवा क्लवद्धारा साताब्यापी प्रतियोगितामा बरजा युवा क्लवलाई ट्राइव्रेकरमा ३— २ गोल अन्तरले पराजित गर्दे स्मृति युवा क्लवले उपाधी जितेको हो ।
उपाधी संगै स्मृति क्लवले प्रथम ३५ हजार नगद सहित ट्रफी, मेडल र प्रमाणपत्र पाएको छ भने , द्धितिय हुने बजरजाले नगद २० हजार सहित , मेडल र प्रमाणपत्र पाएको छ । पुस १८ गतेदेखि संचालित प्रतियोगितामा २० समूह सहभागी थिए ।
बिजयी प्रतियोगिलाई पुरस्कार प्रदान गर्दे एवं प्रतियोगिताको समापन गर्दे वडा अध्यक्ष ख्यामनारायण अधिकारीले खेल स्वास्थ्यका लागि अत्यावश्यक रहेको बताउदै यस्ता प्रतियोगितालाई सबै वडाले संचालन गरि युवाहरुलाई खेलप्रति जागरुक बनाउनु पर्नेमा जोड दिनुभयो ।
कार्यक्रममा मातृभूमि माध्यमिक बिद्यालय ब्यवस्थापन समितिका अध्यक्ष धुवराज अधिकारी, वडा सदस्य जुद्धबहादुर थापा लगायतले आ आफना धारणा ब्यक्त गर्नुभएको थियो । क्लवका अध्यक्ष भिम रानाको अध्यक्षता सम्पन्न कार्यक्रममा उपाध्यक्ष कृष्ण रानाले स्वागत एवं सचिव मिनप्रसाद अर्यालले संचालन गर्नुभएको थियो ।
