स्याङ्जा ९ जेठ । राष्ट्रिय महिला आयोगले बिद्यालय स्तरमा हुने लैंगिक हिंसा निवारणका सम्बन्धमा शिक्षक, बिद्यार्थी र बिद्यालय ब्यवस्थापन समितिका पदाधिकारीबीच स्याङ्जामा अभिमूखीकरण कार्यक्रम गरेको छ ।
कार्यक्रमको उदघाटन गर्दे जिल्ला समन्वय समिति प्रमुख श्रीप्रसाद घर्तिले अपरिचित ब्यक्तिसंग अनावश्यक बोलचाल गर्न नहुने बताउनुभयो । चिनजान नभएका ब्यक्तिसंग सम्बन्ध बिस्तार नगर्न सुझाव दिदै उहाले सुरुमा प्रलोभन देखाउदै पछि हिंसासंगै ठूल्ठूला आपराधिक घटनासम्म घट्न सक्ने आशंका ब्यक्त गर्नुभयो ।
आफना आफन्त र चिनेजानेका ब्यक्तिसंग पनि सचेत रहन उहाको सुझाव छ । यस्ता घटना हुन सक्नेतर्फ सजग रहनु पर्ने जानाउदै प्रमुख घर्तिले नैतिक तथा संस्कार शिक्षाको आवश्यकता औल्याउनुभयो ।
कार्यक्रममा नगरप्रमुख तुलसीराम रेग्मीले पुतलीबजार नगरपालिका सबै बालबालिकाले शिक्षा पाउनु पर्नेमा आफु संवेदनशिल रहेको बताउनुभयो । आफु नगरप्रमुख भएदेखि पुतलीबजारका बिद्यालयमा यस्ता खालका हिंसात्मक घटना नघटेको जनाउदै यस्ता घटना हुन नदिन सबै सचेत र सजग बन्नुपर्नेमा जोड दिनुभयो ।
नगरभित्रका बिद्यार्थीलाई संघिय सरकारले दिएको खाजा रकमको दैनिक १५ रुपैंयामा पुतलीबजारले १० रुपैंया थप दिएको र स्याङ्जाको सामुदायिक बिद्यालयमा संचालित सवइन्जिनियरिङ् पढ्ने बिद्यार्थीका लागि १ लाख १० हजार आर्थिक अनुदान दिएको नगरप्रमुख रेग्मीले जानकारी गराउनुभयो ।
सोही कार्यक्रममा राष्ट्रिय महिला आयोगका सदस्य कृष्णकुमारी पौडेल, प्रमुख जिल्ला अधिकारी सुनिता नेपाल, प्रहरी उपरीक्षक शालिकराम शर्मा, आयोगका उपसचिव सीता अधिकारीले महिला तथा बालबालिका सम्बन्धी कार्यपत्र प्रस्तुत गर्नुभएको थियो ।
कार्यक्रममा पत्रकार महासंघका अध्यक्ष श्रीकृष्ण सिग्देल, शिक्षक सीता नेपाल, बाल संजालका अध्यक्ष सुजाता पौडेल लगायतले सुझाव सहितका आ आफना धारणा सुनाउनुभयो ।
राष्ट्रिय महिला आयोगका सदस्य कृष्णकुमारी पौडेलको अध्यक्षतामा सम्पन्न कार्यक्रममा उपसचिव सीता अधिकारीले संचालन गर्नुभएको थियो । अभिमूखीकरण कार्यक्रममा पुतलीबजार नगरपालिका अन्र्तगतका सामुदायिक बिद्यालयका विद्यार्थी, शिक्षक, बिद्यालय ब्यवस्थापन समितिका पदाधिकारी तथा सदस्यको सहभागिता थियो ।