स्याङ्जा १३ साउन । लायन्स क्लब अफ स्याङ्जा टाउनको अध्यक्षमा सुनिता पौडेल निर्वाचित हुनुभएको छ । शनिवार स्याङ्जामा भएको अधिवेशनले पौडेल सहितको कार्यसमिति सर्वसम्मत निर्वाचित गरेको हो ।
समितिको प्रथम उपाध्यक्षमा विश्वेश्वरप्रसाद रेग्मी, सचिवमा प्रकाश कोइराला, कोषाध्यक्षमा सञ्चिता अर्याल, सहसचिवमा देवी पौडेल, सहकोषाध्यक्षमा सुजाता पौडेल, रिपोर्टिङ अफिसरमा भवानी अधिकारी र सदस्यमा अनिता रुचाल सर्वसम्मत चयन भएका हुन ।
द्धितिय उपाधयक्ष, तृतीय उपाध्यक्ष लगायत अन्य सदस्यहरु समितिको पहिलो बैठकबाट चयन गर्ने जनाएको छ।
अधिवेशनको शुभारम्भ गर्दै लायन्स क्लव अफ स्याङ्जाका संस्थापक एवं पत्रकार महासंघका निवर्तमान अध्यक्ष ओमप्रकाश शर्माले समाजसेवामा समर्पित हुनु लायन्सको मूल उदेश्य हो । नाफा र लाभ भन्दा माथि उठेर सामाजिक सेवा गर्नु पर्नेमा उहाले जोड दिनुभयो । बिगतमा लायन्स क्लव अफ स्याङ्जाले जिल्लामा ठूलठूला सहयोग गर्दे आएको स्मरण गराउनुभयो ।
सोही कार्यक्रममा पूर्व अध्यक्ष धुवबन्धु पौडेल, उद्योग वाणिज्य संघका अध्यक्ष महादेव श्रेष्ठ, नेपाली कांग्रेस पुतलीबजार नगरसभापति सुरजकुमार अधिकारी लगायतले लायन्सले समाजमा पुरयाउदै आएको योगदानका बारेमा चर्चा गर्नुभएको थियो ।
लायन्स क्लब अफ स्याङ्जाका अध्यक्ष रामचन्द्र पोखरेलको अध्यक्षतामा सम्पन्न कार्यक्रमको सहजीकरण पूर्वअध्यक्ष धुवबन्धु पौडेलले गर्नुभएको थियो ।
