स्याङ्जा ७ फागनु । राष्ट्रिय प्रजातन्त्र दिवसको अवसर पारेर आइतवार स्याङ्जा जिल्ला प्रशासन कार्यालयले रक्तदान कार्यक्रम गरेको छ । नेपाल रेडक्रस सोसाइटी स्याङ्जा शाखाको प्राबिधिक सहयोगमा रक्तदान गरिएको छ ।
प्रशासन परिसरमा आयोजित रक्तदान कार्यक्रममा प्रमुख जिल्ला अधिकारी शशिधर घिमिरेले आफैंले रगतदान गरेर कार्यक्रमको शुभारम्भ गर्नुभएको हो । प्रजिअ घिमिरेसंगै २० जना पुरुष ४ महिलाले पनि रक्तदान गरेको रेडक्रसका जिल्ला सभापति दिनेश अर्यालले जानकारी दिनभयो । रगतदानपछि २४ पिन्ट रगत संकलन भएको छ ।
यसैगरी, सोही कार्यक्रममा पुतलीबजार नगरपालिका १ निवासी महादेव श्रेष्ठले अहिलेसम्म २० औं पटक रगत दान गरेको जनाउनुभयो ।
संकलित रगत जिल्ला अस्पताल स्याङ्जाको रक्तसंचार गृहमा राखिने भएको छ ।
दिवसको अवसरमा स्याङ्जा प्रशासनले सरसफाई, सामाजिक कार्य अन्र्तगत रक्तदान र ३ दिनसम्म साँझमा दिपावली गरेर मनाउने कार्यक्रम रहेको प्रजिअ घिमिरेले जानकारी दिनुभयो ।
