काठमाण्डौं, १ असार । राष्ट्रिय क्रिकेट टोली पुरुषको जर्सी डिजाइन गर्न प्रतिस्पर्धा खुला गरिएको छ। नेपाल क्रिकेट संघ ९क्यान०ले सोमबार विज्ञप्ति जारी गर्दै सो कुरा जनाएको हो ।
हालको जर्सी परिवर्तन गर्ने नेपाली टोलीको माग बढ्दै गएपछि क्यान र एमएसटीले जर्सीको डिजाइन प्रतिस्पर्धा खुला गर्ने निर्णय गरेका हुन् ।
जर्सीको डिजाइन गर्दा नेपालको राष्ट्रिय झण्डामा प्रयोग हुने रातो र नीलो रङ ख्याल गर्न आग्रह गरिएको छ । राष्ट्रिय टोलीले पालना गर्नुपर्ने अन्तरराष्ट्रिय क्रिकेट परिषद् ९आइसिसी० र एसीसीको नियमानुसार नै जर्सी डिजाइन गर्न आग्रह गरिएको छ ।
नेपाल क्रिकेट संघले जर्सीको उत्कृष्ट डिजाइन गर्नेलाई रु एक लाख पुरस्कार प्रदान गरिने विज्ञप्तिमार्फत जानकारी दिएको छ। नेपालले आगामी जुलाईमा विश्वकप लिग २ अन्तर्गत स्पेनमा स्कटल्याण्ड र नामिबियासँग प्रतिस्पर्धा गर्ने छ ।