स्याङ्जा २३ पुस । राष्ट्रिय सभा सदस्यका लागि गण्डकीमा सत्ता गठबन्धन, नेकपा एमाले र राष्ट्रिय प्रजातन्त्र पार्टी (राप्रपा)ले उम्मेदवारी दर्ता गरेका छन् ।
राष्ट्रिय सभामा गण्डकीबाट हुने ३ सदस्यका लागि उनीहरुले आज (सोमबार ) मनोनयन दर्ता गरेका हुन् । गण्डकीमा सत्ता गठबन्धनले भागवण्डा गरेर उम्मेदवारी दर्ता गरेका छन् ।
जसमा अन्यतर्फ कांग्रेसका किरणबाबु श्रेष्ठ (गोरखा)ले उम्मेदवारी दर्ता गर्नुभएको छ । उहाको प्रस्तावकमा कांग्रेस नेता तथा गण्डकी प्रदेशका मुख्यमन्त्री सुरेन्द्रराज पाण्डे र समर्थकमा माओवादीकी नेतृ तथा स्वास्थ्य तथा सामाजिक विकास मन्त्री सुशीला सिंखडा हुनुहुन्छ ।
अपाङ्गता तथा अल्पसंख्यकतर्फ कांग्रेसका पदमलाल परियारले उम्मेदवारी दिनु भएको छ । उहाको प्रस्तावकमा कांग्रेसकी कल्पना तिवारी र समर्थकमा माओवादीकी कुसुम बुढा रहनु भएको छ ।
यसैगरी महिलातर्फ नेकपा माओवादीकी मनरुपा शर्मा (पर्वत)ले उम्मेदवारी दर्ता गर्नुभएको छ भने उहाको प्रस्तावकमा माओवादीका हरिबहादुर चुमान र समर्थकमा कांग्रेसका विन्दुकुमार थापा रहनु भएको छ ।
नेकपा एमालेबाट अन्यतर्फ चक्रबहादुर पराजुली (स्याङ्जा)ले उम्मेदवारी दिनु भएको छ । छन् । उहाको प्रस्तावकमा भक्त कुँवर र समर्थकमा भीम कार्की रहनु भएको छ । अपाङ्गता तथा अल्पसंख्यकतर्फ हेमन्त शेरचन (मुस्ताङ)ले उम्मेदवारी दिनु भएको छ भने उहाको प्रस्तावकमा मञ्जुदेवी गुरुङ र समर्थकमा राजकुमारी भुजेल रहनु भएको छ ।
महिलातर्फ एमालेबाट सम्झना देवकोटा (गोरखा)ले उम्मेदवारी दिनु भएको छ उहाको समर्थकमा नवराज ओझा र समर्थकमा देवका पहारी हुनुहुन्छ । यसैगरी, राप्रपाले दुई स्थानमा उम्मेदवारी दिएको छ ।
राप्रपाबाट अन्यतर्फ रोमबहादुर भण्डारीले उम्मेदवारी दिनु भएको छ भने महिलातर्फ गौमाया श्रेष्ठले उम्मेदवारी छ । उहाहरु दुबैको प्रस्तावकमा पञ्चराम गुरुङ र विन्दु अधिकारी पहाडी रहनु भएको छ ।
राष्ट्रिय सभामा गण्डकीबाट ३ स्थान रिक्त छ । राष्ट्रिय सभामा गण्डकीमा खुल्ला (अन्य), अल्पसंख्यक तथा अपाङ्गता र महिला गरेर ३ स्थान रिक्त रहेको हो । रिक्त स्थानका लागि आगामी माघ ११ गते सातै प्रदेशमा निर्वाचन हुँदैछ ।
गण्डकीमा सत्ता गठबन्धनको पल्लाभारी छ । गण्डकीमा कुल ६ हजार ४ सय १० मतभार रहेकोमा सत्ता गठबन्धनसँग ३ हजार ८ सय २७ मतभार छ भने एमालेसँग २ हजार ४ सय ३९ र राप्रपासँग १०६ मतभार छ । गण्डकीमा ६० प्रदेश सभा सदस्य, १ महानगरपालिका, २६ नगरपालिका र ५८ गाउँपालिका छन् ।
प्रदेश सभा सदस्यको मतभार ५३ रहेकाले गण्डकीमा ३ हजार १ सय ८०, स्थानिय तहको प्रमुख र उपप्रमुखको समान १९÷१९ मतभार रहेकाले ३ हजार २ सय ३० मतभार छ ।
कांग्रेसको २ हजार ७ सय ४, नेकपा माओवादी केन्द्रको ९ सय ९४, एकीकृत समाजवादीको ७२ र राष्ट्रिय जनमोर्चाको ५७ मतभार भएकाले सबै जोड्दा सत्ता गठबन्धनसँग पुग्छ । जुन जित्नका लागि आवश्यक मतभार भन्दा धेरै हो । नेकपा एमालेको २ मतभार छ । राप्रपाको भने दुई जना प्रदेश सभा सदस्य मात्र भएकाले केवल १ सय ६ मतभार छ ।