स्याङ्जा १४ चैत । स्याङ्जामा यसवर्षको एसईईमा ४ हजार ४८१ जना परिक्षार्थी सहभागि हुँने भएको शिक्षा समन्वय इकाई कार्यालयले जनाएको छ ।
जिल्लामा १६९ विद्यालयका ४ हजार ४८१ परिक्षार्थीले एसईई दिनेछन् । सामुदायिक विद्यालयबाट। ३ हजार ५ सय नियमित र ७७ जना ग्रेड वृद्धि गरी सामुदायिक विद्यालयबाट ३ हजार ५७७ विद्यार्थी एसईईमा सहभागि हुँदैछन् ।
संस्थागततर्फ ९ सय ३ नियमित र १ जना ग्रेड वृद्धि गरी ९०४ जना परिक्षार्थी सहभागि हुँदैछन् । प्राविधिकतर्फ १३७ जना बाली विज्ञानमा ७३ र कम्प्युटर साईन्समा ६४ जना विद्यार्थीले एसईई दिने भएका हुन् ।
जिल्लामा परिक्षाका लागी ३४ केन्द्र निर्धारण गरिएको जिल्ला शिक्षा ईकाई प्रमुख विश्वराज आचार्यले जानकारी दिनुभयो । उहाले सबै परिक्षा केन्द्रहरुमा तोकिएको स्थानमा प्रश्न पत्र र उत्तर पुस्तिकाहरु पुगिसकेको बताउनुभयो ।