स्याङ्जा १३ पुस । कानुन न्याय तथा संसदीय मामिला मन्त्री धनराज गुरुङ्ले मुद्धा अभियोजनमा समस्या देखिएको बताउदै यसलाई सुधार्नुपर्ने बताउनुभयो ।
नेपाल प्रेस यूनियन स्याङ्जा शाखाद्धारा शुक्रवार वालिङ्मा आयोजित कार्यक्रममा बोल्दै मन्त्री गुरुङ्ले अभियोजनका बेला बास्तविक कुरा उल्लेख गरे मात्र दोषका आधारमा सजाएको भागिदार हुने उहाले बताउनुभयो । यस्ता शैलीलाई अब हटाईनुपर्छ उहाले भन्नुभयो ।
‘प्रमाणका आधारमा न्यायधीशले न्याय दिने हो। न्यायधीश निष्पक्ष हुनुपर्छ।’ उहाले भन्नुभयोे, ‘न्याय प्राप्तीमा अझैं पनि ढिलासुस्ती छ। परम्परागत शैली कायमै छ।’ न्यायमा सबैको समान पहुच र अवसर पाउनुपर्ने आफनो मान्यता रहेको उहाले भन्नुभयो ।
सुशासन कायम राख्ने अभियानमा सरकारले ठूला फाइल खोजेको उनले बताए। मौलाएको तस्कर तोड्न सफल भएको उहाले जिकिर गर्नुभयो । सुनकाण्ड र रशियामा सेना भर्तिमा मानव तस्करको संजाल भएको बताउदै अख्तियार र सीआइवीको भूमिका प्रति पनि मन्त्रीले शंका ब्यक्त गर्नुभयो । अख्तियारले आँट नगरेको र सीआइबीले दोहोरो चाल चालेको उहाको भनाई छ।
कांग्रेसका केन्द्रिय उपसभापति समेत रहेका गुरुङले राष्ट्रियसभा निर्वाचनमा राजनीतिमा क्रियाशिल भई अवसर नपाएकालाई अवसर दिइनेगरी छलफल चलेको जानकारी गराए । बिभिन्न १७ प्रकारका बिधयेक बिचाराधीन अवस्थामा रहेको र आउदो अधिवेशनमा बिधयेक पारित भएपछि धेरै समस्या समाधान हुनेमा उहाले जोड दिनुभयो ।
चुनावका समयमा स्याङ्जाबासीसंग गरेको वाचा सिद्धार्थ राजमार्ग विस्तार योजनामा सहयोगी निकायसंगको छलफल सकारात्मक रहेको उहाको भनाई छ ।
कार्यक्रममा नेपाली कांग्रेसका कावा सभापति केदार काफले, निर्वाचन क्षेत्र नं. २ का सभापति दिलिपप्रताप खाँण, नगरसभपाति नेत्रप्रसाद पाण्डे, प्रेस यूनियनका अध्यक्ष तोलाकान्त बगाले, पत्रकार महासंघका अध्यक्ष श्रीकृष्ण सिग्देल, निवर्तमान अध्यक्ष ओमप्रकाश शर्मा, प्रेस यूयियनका निवर्तमान अध्यक्ष प्रदीप कोइराला, प्रेस चौतारीका अध्यक्ष सुशिल सुवेदी, केन्द्रीय सदस्य हिमलाल पराजुली लगायतले सरकार कार्य र समग्र स्याङ्जा जिल्लाको विकासका बारेमा मन्त्रीको ध्यानाकर्षण गराउनु भएको थियो ।