स्याङ्जा २४ भदौ । नेपाली कांग्रेसका संस्थापक नेता एवं महामानव वीपी कोईरालाको १११ औं जन्म जयन्ती सोमबार स्याङ्जामा बिबिध कार्यक्रमगरी मनाईएको छ ।
नेपाली कांग्रेसको स्याङ्जा जिल्ला कार्य समिति र यहाँका ११ वटै स्थानीय पालिकामा बिबिध सामाजिक कार्य गर्दे विपी जयन्ती मनाइएको हो ।
नेपाली कांग्रेस जिल्ला कार्य समितिको आयोजनामा फेदिखोला गाउँपालिका १ स्थित अमोर सेवा नेपाल (बालगृह) मा आश्रित बालबालिकालाई लक्षित गर्दै बिभिन्न प्रकारका खाद्यान्न उपलब्ध गराएर विपी जयन्ती मनाएको छ ।
स्वतन्त्रता सेनानी तारापती सुवेदी, गण्डकी प्रदेश निवर्तमान सांसद भागवतप्रकाश मल्ल, प्रवक्ता भरतप्रसाद लम्साल लगायतले शुभकामना ब्यक्त गर्नुभएको थियो । कार्यवाहक सभापति केदार काफलेको सभापतित्वमा सम्पन्न कार्यक्रमको संचालन सचिव दामोदर तिवारीले गर्नुभएको थियो ।
पुतलीबजार नगर समितिको आयोजनामा पुतलीबजार नगरपालिका १ स्थित विपी चोकमा रहेको विपीको शालिक र पार्टी कार्यालयमा रहेको विपीको तस्विरमा माल्र्यापर्ण सहित विपी बिचार सहितका शुभकामना आदान प्रदान गरिएको छ ।
कार्यक्रममा गण्डकी प्रदेश उपसभापति मेखलाल श्रेष्ठ, कार्यवाहक सभापति केदार काफले, निवर्तमान सांसद भागवतपकाश मल्ल, सहसचिव धुवबन्धु पौडेल, पुतलीबजार नगर सभापति सुरजकुमार अधिकारी लगायतले शुभकामना ब्यक्त गर्नुभएको थियो ।
यसैगरी, वालिङ नगर समितिको आयोजनामा वालिङ ८ बिपी चोकमा रहेको बिपीको शालिकमा माल्यार्पण गरी मनाईएको छ । कार्यक्रममा बोल्नुहुँदै गण्डकी प्रदेशका अर्थ तथा विकास समिति सभापति भोजराज अर्यालले विचारका दृष्टिले बिपी अहिले पनि जीवित रहेको बताउँदै उहाँले प्रतिपादन गरेको मूल्य, मान्यता र सिद्धान्तलाई आत्मसात गर्दै अगाडि बढ्नुको विकल्प नरहेको बताउनुभयो ।
वालिङ नगरसभापति नेत्रप्रसाद पाण्डेको सभापतित्वमा सम्पन्न कार्यक्रमको सञ्चालन क्षेत्र नं. १ (१) का सभापति केशरबहादुर खाँणले गर्नुभएको थियो ।
यसैबीच भीरकोट नगरपालिकामा आयोजित कार्यक्रममा विपन्न माझि परिवालाई खाद्यान्न सहयोग गरिएको छ । भीरकोट ६ चिउरेनी स्थित प्रेम माझिको परिवारलाई खाद्यान्न सहयोग गरिएको हो । चामल, दाल, नुन, तेल, चिनि, चियापत्ति सिरक र विस्तारा लगायतका सामाग्री प्रदान गरिएको छ ।
माझि गाउँका प्रेम माझिको परिवारको आर्थिक अवस्था अत्यन्तै नाजुक रहेको र माइलो छोरा राजेन्द्र माझिको मृत्यु भएको छ । माझिको परिवारलाई वासका लागी घर निमार्ण गरिदिने प्रतिबद्धता समेत गरिएको छ ।
नगरप्रमुख गोविन्द कुमार कर्माचार्य, निवर्तमान नगरप्रमुख छायाराम खनाल, तोयानाथ कोइराला लगायतले शुभकामना सहित आ आफना धारणा ब्यक्त गर्नुभएको थियो । नगरसभापति लक्ष्मण अधिकारीको अध्यक्षतामा सम्पन्न कार्यक्रमको सञ्चालन नगरसचिव ताराप्रसाद अर्यालले सञ्चालन गर्नुभएको थियो ।
यसैगरी, चापाकोट नगरपालिका स्थित राधा दामोदर बृद्धाश्रममा आश्रित बृद्धबृद्धालाई फलफूल सहित सम्मान गरिएको नगर सभापति बिक्रम सारु मगरले जानकारी दिनुभयो ।
