स्याङ्जा १७ कात्तिक । स्याङ्जा क्षेत्र नं. २ का प्रतिनिधिसभा उम्मेदवार पद्मा अर्यालले भीरकोटलाई पर्यटकीय हबको रुपमा विकास गर्ने बताउनुभएको छ ।
भीरकोट ६ र ७ को सिमलचौर, खिलुङ, चिउरीखर्क लगायतका स्थानहरुमा पुगेर मतदाताहरुसंग भेटघाट गर्ने क्रममा उहाँले यस्तो बताउनुभएको हो ।
भीरकोटमा प्रशस्त संभावना युक्त पर्यटकीय तथा ऐतिहासिक स्थलहरु रहेकाले संभावनाहरुको निरन्तर खोजी गरी पर्यटकीय हब बनाउने उहाँले बताउनुभएको हो । यसअघि आँफु मन्त्रालयमा रहँदा स्वरेकमा प्याराग्लाईङि स्पोर्टको निर्माण गरी त्यहाँसम्म पुग्नका लागी वालिङदेखि र बयरघारी देखि बाटो पिच गर्नका लागी बजेट विनियोजन गरिएको र सडक पिच पनि भएको भन्दै बाँकी रहेका सडक फेरि अर्को चरणमा पिच हुने बताउनुभयो ।
कार्यक्रममा प्रदेश सभा उम्मेदवार मोहन रेग्मीले जिल्लाका होमिस्टेहरुलाई विकास गरी ग्रामिण पर्यटकीय विस्तारका लागी प्रदेशले बजेटहरु विनियोजन गरी कार्यान्वयनमा समते आईसकेको बताउनुभयो ।