स्याङ्जा १३ जेठ । बिश्व हिन्दु युवा संघ स्याङ्जाले संस्कृत भाषाको महत्व र संरक्षणको आवश्यकता र औचित्य बुझाउदै प्रचारमा सक्रिय बन्ने अभियान सुरु गरेको छ ।
भीरकोट नगरपालिका ४ स्थित छाङ्छाङ्दी मन्दिरबाट संघले संस्कृत भाषाको महत्व ,संरक्षण र प्रचार सहितको अन्तक्रिया सहित वि.सं. २०८० सालको भित्तेपात्रो बिमोचन गरेको छ ।
कार्यक्रममा बोल्दै भिरकोट नगरपालिका १ का अध्यक्ष एवं नगर प्रवक्ता दिपेन्द्र केसीले संस्कृत भाषाको महत्व धेरै रहेको जनाउदै यसको बारेमा हामिले अब बुझ्न ढिला गर्न नहुनेमा जोड दिनुभयो । हिन्दु संस्कार र संस्कृतिको हामीले बुझ्न र बुझाउन नसक्दा नेपाल पछाडि परेको बताउनुभयो ।
उहाँले आफ्नो मौलिक परम्परा ,धर्म ,संस्कृतिको जगेर्ना गर्न पर्ने बताउनुभयो । उहाँले बिश्व हिन्दु युवा संघ स्याङ्जाले उदाहरणिय कार्य गर्दै आएको भन्दै प्रसंशा गर्नु भएको थियो । क्यालेन्डर बिमोचन गर्दै उहाले क्यालेन्डर को मार्फत पनि हिन्दु धर्म संस्कृति को प्रचार हुनेमा जोड दिनुभयो ।
बिश्व हिन्दु युवा संघका केन्द्रिय सदस्य एवं भीरकोटका वडाअध्यक्ष नन्दलाल खनालले सनातन हिन्दु संस्कृति को जगेर्ना र प्रचार प्रसार गर्न पर्ने बताउनु भयो ।उहाँले संस्कृत भाषा क्लास पनि अब सन्चालन गर्न पर्ने र राम्रा पक्ष को प्रचार गर्न पर्ने बताउनुभयो ।
समाजसेबी श्यामकुमार राना, बिश्व हिन्दु युवा संघ जिल्ला सह प्रबक्ता कुशल बस्याल, बिश्व हिन्दु युवा संघ जिल्ला सदस्य जिल्ला सदस्य राजन रेग्मी, समाजसेबी गोबिन्द पङ्गेनी ,बिष्णुमाया काफ्ले लगायतले आफ्नो मनतब्य राख्नु भएको थियो।लगायतको संस्कृतको महत्वका बारेमा आ आफना धारणा ब्यक्त गर्नुभएको थियो ।
बिश्व हिन्दु युवा संघ स्याङ्जाका अध्यक्ष नबराज पौडेलले संघले यसअघि गरेका कामहरुको बारेमा जानकारी गराउनु भएको थियो। उहाँले पनि संस्कृत लाई हामीले पुजा पाठ को रुपमा मात्रै हेर्न नहुने कुरा बताउनु भएको थियो। पौडेलले संस्कृत भनेको बिज्ञान हो र धेरै कुरा हरुको आबिश्कार भएको कुरा बताउनु भएको थियो।सबै सभ्यताको मुल बिषय भनेको नै संस्कृत भएको जानकारी गराउनु भएको थियो। अब नेपाल पुर्बीय दर्शनको आधारमा चल्नु पर्ने कुरा बताउनु भएको थियो । पौडेलले हाम्रा कला संस्कृति लाई संरक्षण गर्नु पर्ने मा जोड दिनु भएको थियो ।
बिश्व हिन्दु युवा संघ स्याङ्जाका अध्यक्ष नबराज पौडेलको अध्यक्षतामा सम्पन्न कार्यक्रममा जिल्ला सदस्य बबिन पाठकले स्वागत एवं जिल्ला प्रबक्ता हरि रेग्मीले संचालन गर्नु भएको थियो ।