स्याङ्जा २९ कात्तिक । मतदानको दिन नजिकिदै गर्दा उम्मेदवारले घरदैलो तथा मतदाता भेटघाट कार्यलाई तिव्र बनाएका छन् । एकैदिन ३÷४ स्थानमा चुनावीसभा र घरदैलोमा उम्मेदवारको ब्यवस्त छन् ।
लोकतान्त्रिक बामगठबन्धनका साझा उम्मेदवार बुद्धिबहादुर राना (कुमार) पनि मतदाता रिझाउन तल्लीन छन ्। मतदाता समक्ष पुगेर उनले बिभिन्न एजेण्डा सहित मत माग्दै आएका छन ्।
प्रतिनिधिसभा क्षेत्र नं. १ प्रदेससभा १ का पाच दलिय गठबन्धनका साझा उम्मेदवार एवं नेपाली कांग्रेसतर्फका रानाले पर्यटकीय नगरी पोखराको नजिकै र रहेर पनि गुमानाम झैं भएको फेदिखोला गाउँपालिकालाई चलायमान बनाउन मिनि पोखरा रुपमा विकास गर्ने बताउनुभयो ।
यसैगरी, उम्मेदवार रानाले आँधीखोला गाउँपालिकामा आँधीखोला करिडोर सहित ओभरहेड ब्रीज, रंगशाला लगायत बहुउदेश्यीय आयोजना संचालन गर्ने सुनाउनुभयो ।
फेदिखोला, आँधीखोला अर्जुनचौपारीलाई पर्यटकिय हब सहित पुतलीबजार नगरपालिलाई अन्य शहरसंग सम्बन्ध बिस्तारगरी उद्योग, ब्यवसाय प्रवद्र्धन र सीप तथा आयमूलक योजना सहितका प्रतिवद्धता जनाउदै यसपटक आफनो परिक्षण गर्न मतदातासंग आग्रह गर्नुभयोे ।
‘फेदिखोलाको साल्मेडाँडा, आधीखोलाको श्रवणकुमार र शिरुवारी, अर्जुनचौपारीको एशियाकै ठूलो बुद्ध मूर्तिको अध्ययन, अवलोकन, भ्रमणका लागि राष्ट्रिय तथा अन्र्तराष्ट्रिय पर्यटक भित्रयाई आर्थिक, सामाजिक एवं सास्कृतिक विकास गर्नेछु।’ उहाले थप्नुभयो, ‘स्वास्थ्य, शिक्षा, सडक, खानेपानी, पर्यटन, कृषि, खेलकुद, कलासंस्कृति र प्रकृतिको संरक्षण लगायतका क्षेत्रहरु प्राथमिकतामा राख्नुका साथै ५ हजार युवालाई रोजगार दिनसक्नेगरी कार्ययोजना सहित चुनावी प्रतिस्पर्धामा छु ।’
पहिलो पटक चुनावी प्रतिस्पर्धामा रहेका राना बौद्धिक मानिन्छन्। बिभिन्न धर्म, संस्कृति, कलामा जानकार उहा नेपाली कांग्रेस स्याङ्जाका सचिव हुदै कार्यवाहक सभापति बनेर राजनीतिक पाटोमा जिल्ला संचालनको अनुभव छ । उहा पुतलीबजार नगरपालिका ४ बासिन्दा हो ।
यस प्रदेशमा पुतलीबजार ३, ४, ५, ६, १३ र १४ वडा सहित फेदीखोला गाउँपालिका, आधीखोला गाउँपालिका, अर्जुनचौपारी गाउँपालिकाका गरी २३ वडा वडा पर्दछन् । यहाँ ५४ मतदानस्थल र ८५ मतदान केन्द्र निर्धारण गरिएको यो प्रदेशमा ६४ हजार ८५४ मतदाता छन ्। तीमध्ये ३२ हजार ७३२ महिला र ३२ हजार १२१ पुरुष र १ अन्य मतदाता छन् ।
बैशाखमा सम्पन्न स्थानीय निर्वाचनको मत हेर्दा यस प्रदेशसभामा नेपाली काँग्रेस सहित लोकतान्त्रिक बामगठबन्धनको मत बढी छ । तर, अघिल्लो प्रदेशसभामा भने बामगठबन्धनका मिनप्रसाद गुरुङ् विजयी हुनु भएको थियो ।
