स्याङ्जा ४ कात्तिक । नेपाल ऋषि प्राज्ञ डा जगमान गुरुङ स्याङ्जाको वालिङ् नगरपालिकामा आउनुहुने भएको छ ।
मातापिता प्रतिष्ठान वालिङ्को आयोजनामा यही कार्तिक १८ गते हुने बृहत भेलाको सम्बोधनका लागी गुरुङ वालिङ आउने हुनु भएको हो ।
वालिङ स्थित हल सिटी हलमा हुने कार्यक्रममा संस्कार संस्कृति प्राचीन सभ्यता , धर्म संस्कृति, चार्ड वार्ड लगाएतका विषयमा वैज्ञानिक तथा धार्मिक महत्वका विषयमा जानकारी गराईने आयोजकले जनाएको छ ।
पश्चिमा राष्ट्रहरूमा व्यापक प्रयोगमा आउने गरेको ओल्ड यज क्लबको महत्व र आजको नौलो समाजमा यसको आवश्यकता बारे छलफल गर्दै सो को स्थापनाका कार्यक्रम पनि अघाडी बढाउने प्रस्तिठानका सचिव भरत बगालेले बताउनुभयो ।
केहि समय अगाडि गठित प्रतिष्ठानले उपयुक्त स्थान चयन गरी राम्रो रमणिय वातावरण बनाएर बुढेसकालमा साथी सँगै नाति सँगै रमाउन सक्ने पार्क सहितको आश्रम बनाउने उद्धेश्य रहेको प्रतिष्ठानका अध्यक्ष श्याम प्रसाद ढुंगानाले बताउनु भयो ।
कार्यक्रमको तयारीका लागि वालिङ् ८ नया बजारमा सम्पर्क कार्यालय समेत स्थापना गरिएको कार्यक्रम आयोजना प्रचार प्रसार समितिका संयोजक रेशमलाल कोइरालाले बताउनु भयो ।
प्रतिष्ठानका सदस्य एबम् भेला आयोजना समितिका संयोजक प्रदीप बगालेले उक्त कार्यक्रममा धार्मिक अभियान्ता चिन्तक चैतन्य कृष्णा, प्रा।डा जगन्नाथ रेग्मी लगायतका व्यक्तिको पनि उपस्थिति रहने बताउनुभयो ।