स्याङ्जा १५ जेठ । स्याङ्जामा गणतन्त्र दिवस विभिन्न कार्यक्रम गरी मनाईने भएको छ । गणतन्त्र दिवस आयोजक मुल समारोह समितिद्धारा आयोजित कार्यक्रम अनुसार जेठ १४ सोमबार पूर्वसन्ध्यामा सहिद चोकमा दिप प्रज्वलन गरिएको थियो ।
यसैगरी, आज मंगलबार बिहान प्रभातफेरि गरी कोणसभा गरिएको छ । जिल्ला प्रशासन कार्यालय स्याङ्जाबाट निस्केको रयालीले बजार परिक्रमा गरी सहिद चोकमा कोणसभा गरिएको थियो ।
सभालाई सम्बोधन गर्दै जिल्ला समन्वय समितिका प्रमुख श्रीप्रसाद घर्तिले जनता जर्नादन रहेको बताउनुभयो । जनताको बलिदानीले नै गणतन्त्र प्राप्ती भएको भन्दै प्राप्त गणतान्त्रिक व्यवस्थालाई संस्थागत गर्नुपर्नेमा जोड दिनुभयो । साथै प्रमुख जिटिले जनताको चाहानाले देशमा धेरै परिर्वतनहरु भईरहेको दृष्टान्त व्यक्त गर्दै जनताको चाहाना अनुसार राजनितिक दल अगाडि बढ्न आवश्यक रहेको बताउनुभयो ।
कार्यक्रममा पुतलीबजार नगरप्रमुख तुलसीराम रेग्मी, उपप्रमुख देवी अर्याल, प्रमुख जिल्ला अधिकारी सुनिता नेपाल, एसपी शालिकराम शर्मा, मेजर सेनानी पिताम्बर कार्की लगायत निजामती कर्मचारी, जनप्रतिनिधि, राजनितिक दल, सर्वसाधारण लगायतको सहभागिता रहेको थियो ।
