स्याङ्जा ८ जेठ । गण्डकी प्रदेश खेलकूद परिषद गण्डकीद्धारा आयोजित १० दिने महिला क्रिकेट प्रशिक्षण कार्यक्रम सोमबार सम्पन्न भएको छ ।
गण्डकी प्रादेशिक क्रिकेट संघको ब्यवस्थापन तथा जिल्ला क्रिकेट संघ स्याङ्जाको समन्वयमा स्याङ्जाको पुतलीबजारमा सो प्रशिक्षण गरिएको हो ।
प्रशिक्षणको समापन कार्यक्रममा बोल्दै उपप्रमुख देवी अर्यालले पुतलीबजार नगरपालिकामा राम्रा र हाम्रा महिला क्रिकेट खेलाडी रहेको जनाउदै उनीहरुका क्षमता र दक्षता बृद्धिका लागि नगरपालिकाले पनि सक्दो सहयोग गर्ने बताउनुभयो । पुतलीबजार , जिल्ला, प्रदेश र संघ हुदै राष्ट्रिय तथा अन्र्तराष्ट्रिय खेल खेलेर आफनो र जिल्लाको नाम राख्न आग्रह गर्नुभयो । उहाले शिक्षा, स्वास्थय जस्तै खेलकुदलाई पनि उत्तीकै बजेट छुट्टाउनु पर्नेमा े जोड दिनुभयो ।
कार्यक्रममा गण्डकी खेलकुद परिषदका बोर्ड सदस्य ऋािषराम गौतम, प्रशिक्षक रिजन प्रजु, प्रशिक्षार्थी प्रियांसु न्यौपाने र सृजना पौडेल लगायतले मन्तब्य ब्यक्त गर्नुभएको थियो ।
गण्डकी प्रदेश खेलकूद परिषदका अध्यक्ष संजयदत्त सिग्देलको अध्यक्षतामा सम्पन्न कार्यक्रममा प्रदेश सदस्य बिद्या भट्टराइले स्वागत एवं क्रिकेट संघ स्याङ्जाका अध्यक्ष दिवाकर थापाले संचालन गर्नुभएको थियो ।
प्रशिक्षणमा गण्डकी प्रदेशभरका ६४ जना महिला क्रिकेट खेलाडीको सहभागिता थियो । प्रशिक्षण सम्पन्न भएसंगै प्रशिक्षार्थीलाई विदाई गरिएको छ ।
