स्याङ्जा १८ चैत । पोलिटीकल साइन्स सोसाइटी नेपाल (पोस्सोन) स्याङ्जाको प्रथम अधिवेशनले पारशमणी पाण्डेको अध्यक्षतामा ११ सदस्यीय जिल्ला कार्यसमिति निर्विरोध निर्वाचित गरेको छ ।
समितिको उपाध्यक्षमा बाबुराम सिग्देल, सचिवमा शिव ढकाल, कोषाध्यक्षमा भवानी अधिकारी, सहसचिवमा बिष्णु चापागाई निर्वाचित हुनु भएको हो । यसैगरी, सदस्यहरुमा ओमप्रकाश शर्मा, कृष्णप्रसाद लामिछाने, युवराज ढकाल, कृष्ण गोदार, मनोज मल्ल चयन हुनु भएको छ ।
सल्लाहकारहरुमा पृथ्वीप्रसाद पोखरेल, सोमनाथ लम्साल, पदम श्रेष्ठ, कृष्णप्रसाद लामिछाने रहनु भएको छ ।
अधिवेशनको उदघाटन गर्दै गण्डकी प्रदेशसभा सदस्य कल्पना तिवारीले जनप्रतिनिधि जनताको सेवक हुन र जनसेवामा समर्पित रहनुपर्ने बताउनुभयो । राजनीतिका नाउमा विकृत प्रबृद्धी हावी हुन थालेको जनाउदै उहाले राजनीति शास्त्रका जानकार ब्यक्तिहरुले यस्ता अभियान मार्फत राजनीतिलाई स्वच्छ र सफा बनाउनेतर्फ सहयोग गर्न आग्रह गर्नुभयो ।
राजनीतिको विकल्प नरहेको जनाउदै राजनीतिलाई अझै राम्रो र परिष्कृत बनाउन राजनीति शास्त्रका जानकारहरुसंगको परामर्श गर्दै अघि बढ्नु पर्नेमा जोड दिनुभयो ।
कार्यक्रममा जिल्ला समन्वय समितिका प्रमुख श्रीप्रसाद जीटी, उपप्रमुख खडगराज सुवेदी, प्राध्यापक ठानबहादुर क्षेत्री, पृथ्वीनारायण क्याम्पसका सहप्राध्यापक गिरीधारी दाहाल, उपप्राध्यापक द्धय माधवराज बास्तोला र माधव बास्तोला, पत्रकार महासंघका निवर्तमान अध्यक्ष ओमप्रकाश शर्मा, त्रिभुवन बहुमुखी क्याम्पस प्रमुख बाबुराम सिग्देल, प्राध्यापक सोमनाथ लम्साल लगायतले राजनीतिमा राजनीति शास्त्रको महत्व र आवश्यकताका बारेमा आ आफना धारणा सहित राजनीतिक चर्चा गर्नुभएको थियो ।
कार्यक्रममा नेपालको विदेश निती र भूराजनैतिक चुनौती बिषयमा पृथ्वीनारायण क्याम्पसका सहप्राध्यापक भिमनाथा बरालले कार्यपत्र प्रस्तुत गर्नुभएको थियो ।
पोलिटीकल साइन्स सोसाइटी नेपाल (पोस्पोन) का केन्द्रिय अध्यक्ष सुब्बा ढुंगाना (सुभास) को अध्यक्षतामा सम्पन्न कार्यक्रममा उपाध्यक्ष डां संजय कोइरालाले स्वागत एवं महासचिव मिलन आलेले संचालन गर्नुभएको थियो ।
