स्याङ्जा १४ पुस । विश्व हिन्दु युवा संघ स्याङ्जाले राष्ट्रिय एकता दिवस एवं पृथ्वी जयन्तीका दिन सार्वजनिक बिदाको माग गरेको छ ।
संघले सार्वजनिक विदाको माग गर्दै बिहिवार वालिङ नगर प्रमुख कृष्ण खाँणलाई ज्ञापनपत्र बुझाएका छन् ।
ज्ञापनपत्र बुझ्दै वालिङ नगर प्रमुख कृष्ण खाँडले पृथ्वीनारायण शाहले गरेको योगदान नेपालीले भुल्न नहुने कुरा बताउनु भयो । उहाँले नेपाली जनतालाई एकताबद्ध गराउने काम पृथ्वीनारायण शाहले गरेकाले इतिहासको सम्मान गर्नुपर्ने बताउनुभयो ।
उपप्रमुख कविता तिवारी, ले पनि पृथ्वीनारायण शाहले नै नेपाली राष्ट्रियता बलियो गराउने काम गर्नु भएको र नेपाली जनतालाई एउटै मालामा गाँस्ने काम गर्नुभएको हुँदा उहाँलाई नेपाल र नेपालीले भुल्न नहुने कुरा बताउनु भएको थियो।
ज्ञापनपत्र बुझाउन विश्व हिन्दु युवा संघका जिल्ला अध्यक्ष नवराज पौडेल, संघका केन्द्रीय सदस्य डण्डपानी पङ्गेनी, जिल्ला सह प्रवक्ता कुशल बस्याल, जिल्ला सदस्य प्रज्वल रनपाल, राजन रेग्मी, समाजसेबी कमल कुँवर, गोविन्द पङ्गेनी लगायत सहभागी हुनुहुन्थ्यो ।
ज्ञापनपत्र बुझाउदै बिश्व हिन्दु युवा संघका जिल्ला अध्यक्ष नबराज पौडेलले हामिले नेपाल राष्ट्र निर्माण गर्ने ब्यक्तिलाई बिर्सन नहुने र पछिल्लो समय पृथ्वीनारायण शाहलाई बिर्सने काम भएको र यो कुराले गर्दा नै हाम्रो राष्ट्रियता कमजोर भएको कुरा बताउनु भएको थियो।
संघ स्याङ्जाले गल्याङ नगरपालिका लगायतका विभिन्न पालिकामा पनि ज्ञापनपत्र बुझाउने जनाएको छ ।
संघले अघिल्लो वर्ष पनि यसैगरी सार्वजनिक बिदाको माग गरेपछि सो दिन स्याङ्जाका ७ वटा पालिकाले सार्वजनिक बिदा दिएका अध्यक्ष पौडेलले जानकारी दिनुभयो ।
