स्याङ्जा २७ पुस । पृथ्वी जयन्ती एबम राष्ट्रिय एकता दिबसको अबसर पारेर बिश्व हिन्दु युवा संघ स्याङ्जाले नेपाल एकीकरणमा पृथ्वीनारायण शाहको भुमिका बिषयक वक्तृत्वकला प्रतियोगिता गरेको छ ।भीरकोट नगरपालिका ४ स्थित छाङ्छाङदी छायाक्षेत्र मन्दिरमा माध्यमिक बिद्यालय स्तरीय प्रतियोगिता गरिएको हो ।
प्रतियोगितामा दहथुम माविका छात्रा सम्झना अधिकारी प्रथम, घण्टे माविका सुस्मिता शर्मा द्धितिय, महेन्द्र ज्योती माबिका बबिता सार्की र राजेन्द्र भबानी माबीका कृतिका पङेनी तृतीय भएका छन् ।
प्रतियोगितामा वालिङ , भिरकोट नगरपालिका र अर्जुनचौपारी गाउँपालिकाकागरी एक दर्जन बिद्यालय सहभागी रहेको निर्णायक समितिका मिलन समीरले जानकारी दिनुभयो ।
प्रथम, द्धितिय, तृतीय हुनेलाई पुरस्कार प्रदान गर्दे भीरकोट नगर प्रवक्ता दिपेन्द्र केसीले स साना राज्यमा बिभक्त नेपाललाई एकिकरण गर्दे एक बनाई आज हामीलाई नेपाल र नेपाली भनेर चिनाउने पृथ्वीनारायण शाहको अतुलनीय योगदान रहेको बताउनुभयो ।
कार्यक्रममा भीरकोट नगरपालिका ८ का अध्यक्ष नन्दलाल खनाल, वालिङ नगरपालिका ११ का अध्यक्ष ड्ण्डु पङेनी , भिरकोट बिश्व हिन्दु महासङ उपाध्यक्ष बिष्णुमाया काफ्ले, बिश्व हिन्दु युवा संघ जिल्ला सहप्रबक्ता कुशल बस्याल, जिल्ला सदस्य एबम कार्यक्रम संयोजक बबिन पाठ्क लगायतले शुभकामना मन्तब्य ब्यक्त गर्नुभएको थियो।
बिश्व हिन्दु युवा संघ स्याङ्जाका अध्यक्ष नबराज पौडेलको अध्यक्षतामा सम्पन्न कार्यक्रममा सदस्य एवं कार्यक्रम संयोजक वविन पाठकले स्वागत एवं सदस्य सुदिप पौडेलले संचालन गर्नु भएको थियो।