स्याङ्जा १२ साउन । पुष्पचन्द्र ट्रष्टद्धारा काजिमान हरिटिकामा २ लाख रुपैंयाका अक्षयकोषको स्थापना गरेको छ। पुतलीबजार नगरपालिका ३ स्थित सो बिद्यालयमा स्याङ्जाका स्थापित सामाजिक अभियन्ता तथा राजनीतिककर्मी स्वर्गिय प्ुाष्पमान श्रेष्ठको ९४ औ स्मृति दिवस पारेर स्थापना गरिएको हो ।
सो अवसरका जिल्ला समन्वय समितिका प्रमुख श्रीप्रसाद जि.टी.ले राणाहरुका एकतन्त्रिय शासन ब्यवस्था बिरुद्ध संगठित हुदै गरिब निमुखा र स्रोतका पहुचबाट बाहिर रहेका नागरिकहरुका बारेमा वकालत गर्दै आउनु भएका स्वर्गिय श्रेष्ठलाई स्याङजाबासीले युगौसम्म सम्झिरहने बताउनुभयो ।
स्वर्गिय पुष्पमानको स्मृतिमा स्थापित पुष्पचन्द्र ट्रष्टद्धारा आयोजित सो कार्यक्रममा पुतलीबजार नगरपालिका वडा नं. ३ का अध्यक्ष राजेन्द्रप्रसाद श्रेष्ठ, पुतलीबजार नगरपालिकाका निवर्तमान प्रमुख सीमा क्षेत्री, पूर्व प्रमुख जयनारायण श्रेष्ठ, ट्रष्टका सदस्यहरु अनन्तकुमार श्रेष्ठ र योगेन्द्रमान श्रेष्ठ, नेकपा एमाले सचिवालय सदस्य टेकबहादुर भुजेल, माओवादी केन्द्रका सचिवालय सदस्य संघ तामा्रकार, एकिकृत समाजवादीका सचिवालय सदस्य राजेन्द्र मरासीनी लगायतले स्वर्गिय श्रेष्ठका बारेमा आ आफना धारणा ब्यक्त गर्नुभएको थियो ।
पुष्पचन्द्र ट्रष्टका अध्यक्ष महेन्द्रमान ब्यथितको अध्यक्षतामा सम्पन्न कार्यक्रमको संचालन काजिमान हरिटीका माविका प्रधानाध्यापक ओमप्रकाश शर्माले गर्नुभएको थियो । उक्त ट्रष्टले काजिमान हरिटीका माविमा अध्ययरत गरिब तथा जेहेन्दार विद्यार्थीका लागि २ लाख रुपैंयाको अक्षयकोष स्थापनागरि रकम हस्तान्तरण गरिएको छ ।
सोही कार्यक्रममा ट्रष्टका सदस्य योगेन्द्रमान श्रेष्ठले स्वर्गिय पुष्पमान श्रेष्ठका जीवनीका बारेमा जानकारी गराउनुभएको थियो । आफना बुवा पुष्पमान र आमा चन्द्रलक्ष्मीको नाममा काजिमान हरिटिकामा ट्रष्टको स्थापनागरीएको हो। वि. सं. १९८५ साल साउनमा जन्मिनु भएको श्रेष्ठको निधन २०५० बैशाख ८ गते भएको थियो । उहाँका २ पत्नी र १३ वटा छोराछोरी छन् । जेठी पत्नीबाट ३ छोरा र २ छोरी र कान्छी पत्नीबाट ६ छोरा र २ छोरी हुनुहुन्छ ।
