स्याङ्जा २३ असार ।पुतलीबजार नगरपालिका ३ मा मेलमिलाप केन्द्र स्थापना गरिएको छ ।
केन्द्र स्थापनाको औपचारिक घोषणा गर्दै वडाअध्यक्ष राजेन्द्रप्रसाद श्रेष्ठलाई मलमिलाप केन्द्रका लागि आवश्यक सामाग्री हस्तान्तरण गर्नुभएको थियो ।
सोही कार्यक्रममा नगरउपप्रमुख देवी अर्यालले वडाभित्रका समस्यालाई वडामा समाधान गरेर न्याय दिलाउनु भनेको पुण्यको काम भएको बताउनुभयो । दुबै पक्षलाई जीत जीतको अनुभूत गराउनेगरी न्याय दिन समेत उहाले सुझाव दिनुभयो । उहाले मेलमिलापकर्तालाई सथप खुवाउदै आचार संहिताको पालना गर्दे काम गर्न सुझाव दिनुभयो ।
कार्यक्रममा नगर स्तरीय न्यायिक समिति सदस्य कमला गुरुङ, वडा सदस्य सोमबहादुर कुवर, सहजकर्ता संयोजक विश्वराज मरासीनी लगायतले मेलमिलापकर्ता निष्पक्ष भएर समस्या सुल्झाउनुपर्नेमा जोड दिनुभयो ।
आचार संहिताका बारेमा मेलमिलाप सहजकर्ता भवानी अधिकारीले जानकारी गराउनुभएको थियो ।
वडाअध्यक्ष राजेन्द्रप्रसाद श्रेष्ठको अध्यक्षतामा सम्पन्न कार्यक्रममा वडा सदस्य अमिरवक्स मियाले स्वागत एवं न्यायिक शाखा प्रमुख सृजना लामिछानेले संचालन गर्नुभएको थियो ।
पुतलीबजार नगरपालिका ३ मा ४८ घण्टे तालिमप्राप्त ७ जनाले वडा स्तरीय मेलमिलापकर्तामा सूचिकृत हुनु भएको छ ।
