स्याङ्जा १५ बैशाख । स्वास्थ्यका लागि खेलकुद, राष्ट्रका लागि खेलकुद’ भन्ने मुल नारा सहित पुतलीबजार नगरपालिकामा मेयर कप भलिबल प्रतियोगिताको उपाधी पुरुषतर्फ वडा न. ७ र महिलातर्फ वडा नं. १३ ले हात पारेको छ ।
पुतली बजार नगरपालिका १ स्थित मालेबगर मैदानमा संचालित वडा स्तरीय मेयरकप प्रतियोगितामा पुरुषतर्फ वडा नं. १२ दोश्रो र वडा नं. ६ तेस्रो भएका छन ्। यसैगरी, महिलातर्फ दोश्रो हुनेमा वडा नं. १० र तेस्रो हुनेमा वडा नं. १२ रहेका छन् ।
भलिवल प्रतियोगिता मा पुरुषतर्फ १३ र महिला तर्फ ४ समूह सहभागी थिए । प्रतियोगितामा प्रथम, द्धितिय, तृती य हुने समूहले क्रमश ः ५० हजार, ३० हजार, १० हजार नगद सहित ट्रफी र मेडलद्धारा पुरस्कृत गरिने भएको छ ।
यसैगरी प्रतियोगितामा महिलातर्फ वेस्ट सर्भर निशा मास्की, वेस्ट ब्लकर पूर्णना शाही, वेस्ट स्पाइकर सन्देशा गुरुङ्, बेस्ट डिफेन्डर सौमाया गुरुङ्, वेस्ट सेटर अंजली विक, बेस्ट प्लेयर बुनु आले, वेस्ट कोच रामु शाह हुनुभएको छ ।
यसैगरी, पुरुषतर्फ वेस्ट सर्भर सन्दीप ठकुरी, वेस्ट ब्लकर लेसन गुरुङ, वेस्ट स्पाइकर दर्शन गुरुङ्, बेस्ट डिफेन्डर प्रदीप गुरुङ्, वेस्ट सेटर विवश खड्का, बेस्ट प्लेयर सन्जुबिक्रम शाह, वेस्ट कोच रामकाजी राना हुनुभएको छ ।
यसैगरी, विजयी प्रतियोगिलाई भोली (शनिवार) नगरपालिकाको सभाहलमा पुरस्कार बितरण गरिने भएको छ ।