स्याङ्जा, ६ चैत । पुतलीबजार नगरपालिकामा राष्ट्रपति रनिङ शील्ड खेलकुद प्रतियोगिता शुक्रवारदेखि सुरु भएको छ ।
नगरपालिकाको आयोजनामा ४ दिनसम्म संचालित प्रतियोगिताको उदघाटन गर्दे संघिय सांसद नारायणप्रसाद मरासीनीले खेलकुदका माध्यमबाट नगरपालिका र जिल्लातहसम्म पहिचान बढाउन यस्ता प्रतियोगिता आवश्यक रहेको बताउनुभयो । उहाले स्वस्थ्य रहनका लागि पनि खेलकुदको आवश्यकता रहने औल्याउदै नेपालले अन्र्तराष्ट्रिय जगतमा समेत आफनो देशको नाम राख्न सफल भएकोमा जोड दिनुभयो ।
कार्यक्रममा प्रमुख जिल्ला अधिकारी राजु पौडेल, जिल्ला समन्वय अधिकारी ऋषिराम आचार्य, नेकपा एमालेका नगर अध्यक्ष भरत गोदार, नेपाली कांग्रेसका नगर सभापति सुरज अधिकारी, नेकपा माओवादी केन्द्रका नगर उपाध्यक्ष मित्रबन्धु पौडेल, राष्ट्रिय प्रजातन्त्र पार्टीका उपाध्यक्ष जयनारायण श्रेष्ठ, शिक्षक महासंघका उपाध्यक्ष बन्दना लम्साल, प्रधानाध्यापक मुक्ति रेग्मी लगायतले शुभकामना मन्तब्य ब्यक्त गर्नुभएको थियो ।
नगर प्रमुख सीमा क्षेत्रीको अध्यक्षतामा सम्पन्न कार्यक्रममा उपप्रमुख महेश पुरीले स्वागत एवं शिक्षा अधिकृत गोबिन्द सुवेदीले संचालन गर्नुभएको थियो । प्रतियोगितामा एथलेटिक्स, छात्र छात्रा भलिवल प्रतियोगिताहरु हुने भएको नगरपालिकाले जनाएको छ ।
प्रतियोगिता चेैत ७ गतेसम्म संचालन हुनेछ भने पुतलीबजारका सामुदायिक तथा संस्थागत बिद्यालय प्रतियोगितामा सहभागी छन् ।