स्याङ्जा ६ जेठ । पुतलीबजार नगरपालिकामा जारी महिला संजालका पदाधिकारीहरुको क्षमता विकास सम्बन्धी ३ दिने तालिम आइतवार सम्पन्न भएको छ ।
पुतलीबजार नगरपालिकाद्धारा आयोजित कार्यक्रमको समापन कार्यक्रममा बोल्दै नगरप्रमुख तुलसीराम रेग्मीले तालिममा प्राप्त ज्ञानगुनलाई आआफना वडाका महिला दिदीबहिनीलाई जानकारी गराउन सुझाव दिनुभयो । महिलालाई आत्मनिर्भर बनाउनेगरी सीपमूलक तालिम संचालनका लागि तयारी भैरहेको उहाले जानकारी दिनुभयो ।
स्थानीय तहमा प्राप्त कच्चा पदार्थको उपयोग गर्दे बिभिन्न हस्तकलाका सामाग्री निर्माणका केही वडाले काम गरिरहेको पनि उहाले भन्नुभयो । पालिकाले सिमित स्रोत र साधनको परिचालन गर्दै यस्ता कार्यक्रम संचालन गर्नु परेको बताउदै महिलाका माग र आवश्यकता बमोजिमका सीपमूलक तालिम उपलब्ध गराउने बताउनुभयो ।
कार्यक्रममा उपप्रमुख देवी अर्यालले महिला दिदीवहिनीका क्षमता बृद्धिसंगै आजआर्जनमा जोड्न नगरपालिकाले यस्ता कार्यक्रमलाई निरन्तरता दिईने बताउनुभयो । तालिमका लागि तालिम मात्र नभई सिप सिकेर उद्योग ब्यवसाय संचालन गर्न समेत सहभागीलाई आग्रह गर्नुभयो ।
प्रमुख प्रशासकिय अधिकृत चिरन्जीवी पौडेलले नगरपालिका भित्र संचालित विकासे निर्माण लगायतका क्षेत्रमा महिला सहभागिता देखिनेगरी अग्रसरता लिन आग्रह गर्नुभयो ।
कार्यक्रममा नगर महिला संजालका अध्यक्ष सीता गोदार, वडा नं। १३ का महिला संजाल अध्यक्ष लक्ष्मी थापा, वडा नं। १ का महिला संजाल अध्यक्ष देवी पौडेल लगायतले तालिमको प्रभावकारिता र आवश्यकताका बारेमा आ आफना धारणा सुनाउनुभयो ।
उपप्रमुख देवी अर्यालको अध्यक्षतामा सम्पन्न कार्यक्रमको संचालन महिला तथा बालबालिका शाखा प्रमुख ठगीकुमारी खनालले गर्नुभएको थियो ।
महिला सम्बन्धी कानून, कार्यान्वयनको अवस्था, महिला सशक्तीकरण, लैगिंक हिंसा, मानव अधिकार, सूचना सञ्चार लगायतका बिषयमा प्रमुख जिल्ला अधिकारी सुनिता नेपाल, जिल्ला न्यायधीवक्ता श्रीकला पौडेल, एकद्धार संकट ब्यवस्थापन कार्यक्रम संयोजक गीता न्यौपाने, महिला तथा बालबालिका शाखा प्रमुख ठगीकुमारी खनाल, स्याङ्जा रेडियो तथा टेलिभिजनका प्रवन्धक रमेश गोदारले प्रशिक्षण दिनुभएको थियो ।
नगरपालिका अन्र्तगत १४ वटै वडामा रहेका महिला संजालका पदाधिकारीहरुलाई लक्षित गर्दै सुरु गरिएको तालिममा १४ वटै वडामा गठित महिला संजालका पदाधिकारी सहित ६५ जनाको सहभागिता थियो ।
