स्याङ्जा ६ कात्तिक । स्याङ्ना अपांग समाज जिल्ला कार्य समिति स्याङ्जाको १७ औं साधारणसभा तथा आठौं अधिवेशन सम्पन्न भएको छ ।
अधिवेशनको उदघाटन गर्दे पुतलीबजार नगर प्रमुख तुलसीराम रेग्मीले अपांगता भएका ब्यक्तिलाई एकिकृतगरी उनीहरुका हक, हित र अधिकारका पक्षमा वकालत गर्ने अपांग समाजले जिल्लाकै अनुकरणीय संस्था बनेको बताउनुभयो ।
फरक क्षमता भएका ब्यक्तिका लागि आवश्यक सहयोग गर्न स्थानीय पालिका तत्पर रहेको जनाउदै आउदो बर्ष नगरभित्रका अपांगता भएका ब्यक्तिकालागि निशुल्क स्वास्थ्य विमा सुरु गर्ने बताउनुभयो । पुतलीबजार नगरपालिकाले केही साताअघिदेखि गन्धर्व, कुमाल, माझी र बोटे जातीका लागि निशुल्क स्वास्थ्य बिमाको सुरुवात गरिसकेको उहाले जानकारी दिनुभयो ।
कार्यक्रममा पुतलीबजार नगरपालिका १ का अध्यक्ष उत्तमप्रसाद श्रेष्ठ, अपांग समाज स्याङ्जाका सल्लाहकार रेशमलाल रानाभाट, पत्रकार महासंघका उपाध्यक्ष भवानी अधिकारी लगायतले फरक क्षमता भएका ब्यक्तिलाई उनीहरुका आवश्यकता अनुरुपका सेवा सुबिधा उपलब्ध गराउन र क्षमता अभिबृद्धिका लागि स्थानीय पालिका, प्रदेश र संघ सरकार लगायत सरोकारवाला निकायले सहयोग गर्नुपर्नेमा जोड दिनुभयो ।
स्याङ्जा अपांग समाज स्याङ्जाका अध्यक्ष युवराज पराजुलीको अध्यक्षतामा सम्पन्न कार्यक्रममा वरिष्ट उपाध्यक्ष यामलाल पाण्डेले स्वागत एवं सचिव राम शर्मा पोखरेलले संचालन गर्नुभएको थियो ।
यसैगरी, अधिवेशनले राम शर्मा पोखरेलको अध्यक्षतामा ९ सदस्यीय जिल्ला कार्यसमिति निर्वाचित गरेको छ । समितिको सदस्यहरुका नारायण भण्डारी, लोकनारायण श्रेष्ठ, हरिमुरारी डोटेल, मिठु दर्जि, मेनुका पाठक, इन्द्रप्रसाद शर्मा, कल्पना बराल र अन्जना कार्की निर्बिरोध निर्वाचित हुनु भएको निर्वाचन समिति संयोजक गिरीधारी लम्सालले जानकारी दिनुभयो ।
स्याङ्जाका विस २०६८ को तथ्यांक अनुसा ५ हजार २५८ जना अपांगता भएका ब्यक्तिहरु रहेको बताईएको छ । यस अन्र्तगत बिििभन्न १० किसिममा हुन्छन्।
