स्याङ्जा ३१ बैशाख । पत्रकार रोशन लामिछानेलाई पितृ शोक परेको छ । पत्रकार महासंघ स्याङ्जाका केन्द्रीय पार्षद लामिछानेका बुवा झलकनारायण लामिछानेको ६१ बर्षको उमेरमा निधन भएको छ ।
पुतलीबजार नगरपालिका ११ का झलकनारायण लामिछाने यही बैशाख २५ गते अचानक बिरामी परेपछि पोखरामा उपचार भैरहेको थियो । लामो समय देखि सामाजिक क्षेत्रमा क्रियाशिल उहाको उपचारका क्रममा शुक्रवार निधन भएको पारिवारिक स्रोतले जनाएको छ ।
स्वर्गीय लामिछानेका पत्नी, दुई छोरा, एक छोरी र ३ नातिनातिना छन् । शनिवार रामनदी धाम राम्दीमा अन्तिम संस्कार गरिएकोे छ । बुवाको निधन प्रति पत्रकार महासंघ अन्तरगतका विभिन्न संघ समूहले श्रद्धान्जली प्रकट गरेकाछन् ।
नेपाल पत्रकार महासंघ स्याङ्जाका अध्यक्ष श्रीकृष्ण सिग्देल, नेपाल प्रेस युनियन, प्रेस चौतारी नेपाल, प्रेस सेन्टर लगायतले चीर शान्तीको कामना गर्दै शोक सन्तप्त परिवारजनमा समवेदना प्रकट गरेका छन् । रोशन लामिछाने कान्तिपुर टेलिभिजन र सामुदायिक रेडियो स्याङ्जा र टेलिभिजनमा पनि आवद्ध हुनुहुन्छ ।
यसैबीच, नेपाल पत्रकार महासंघ स्याङ्जाका अध्यक्ष श्रीकृष्ण सिग्देलले शोक वक्तव्य निकाल्दै स्वर्गीय झलकनारायणको चीर शान्तीको कामना गर्दै शोक सन्तप्त परिवारजनमा भावपूर्ण श्रद्धान्जली प्रकट गर्नु भएको छ । नेपाल प्रेस युनियन, प्रेस चौतारी नेपाल,प्रेस सेन्टर लगायतले पनि समवेदना प्रकट गरेका छन् ।