स्याङ्जा २२ पुस । अंग्रेजी भाषा शिक्षकहरुको संगठन नेल्टा स्याङजाको आठौ अधिवेशनले ओमबिकास सिंजालीलाई अध्यक्षमा निर्वाचित गरेको छ ।
अधिवेशनले सिंजालीको अध्यक्षतामा १५ सदस्यीय कार्यसमिति चयन गरेको छ । समितिको उपाध्यक्षमा तोयानाथ कोइराला, सचिवमा यामप्रसाद डुम्रे (अमृत), सहसचिवमा लक्ष्मण रेग्मी, कोषध्यक्षमा भोज कुमारी पाण्डे निर्वाचित हुनुभएको छ ।
यस्तै सदस्यहरुमा अर्जुन पौडेल, सिर्जना रोकाय, कमला अधिकारी सिक्देल, नन्दलाल पाण्डे, खगेन्द्र पाठक, शोभाकान्त शर्मा, लेखनाथ रेग्मी, नविन कुमार जिटी, दिलिप तिवारी र लोक गुरुङ चयन हुनु भएको छ । संयोजकमा सुनिल जिसी, सदस्यमा आनन्द अर्याल, राजु शर्मा र रेशम रेग्मीलाई चयन गरिएको छ ।
वालिङमा भएको अधिवेशनको उदघाटन गर्दै वालिङ नगरपालिका शिक्षा अधिकृत दुर्गा न्यौपानेले अंग्रेजी भाषामा विद्यार्थीको रुचि बढाउन र गुणस्तर सुधार गर्नका लागी अंग्रेजी भाषाका शिक्षकहरु एकजुट भएर लाग्नुपर्ने बताउनुभयो । उहाले आवश्यक पर्ने सहयोगका लागी शिक्षा शाखा तयार रहेकोमा जोड दिनुभयो ।
कार्यक्रममा नेल्टा गण्डकी प्रदेशका अध्यक्ष कमलराज लम्साल, निवर्तमान अध्यक्ष डा. नवराज न्यौपानेले कार्यक्रममा उपस्थित हुनुभएका शिक्षकहरुका लागी तालिम प्रदान गर्नुभएको थियो ।
नेल्टा स्याङजाका अध्यक्ष बुद्धीबहादुर क्षेत्रीको अध्यक्षतामा सम्पन्न कार्यक्रमको सञ्चालन सचिव यामप्रसाद डुम्रे (अमृत)ले र सदस्य खगेन्द्र पाठकले स्वागत मन्तब्य ब्यक्त गर्नुभएको थियो ।