स्याङ्जा १ पुस । नेपाल पत्रकार महासंघ स्याङ्जा शाखाको १५ औं साधारणसभा शनिवार पुस २ गते वालिङमा गरिने भएको छ । साधारणसभाको तयारी पुरा भएको छ । साधारणसभा सम्पन्न गर्नका लागि मुल आयोजक समिति र बिभिन्न उपसमितिहरु गठन गरिएका छन् ।
महासंघ स्याङ्जाका अध्यक्ष श्रीकृष्ण सिग्देलको अध्यक्षतामा २१ सदस्यीय मुल आयोजक समिति गठन छ । अध्यक्ष सिग्देलको अध्यक्षतामा बनेको मुल आयोजक समितिमा कार्यसमितिका सबै र शुभेच्छुक संघसंगठनका अध्यक्षहरु समेत रहेका छन् ।
महासंघका निर्वतमान अध्यक्ष ओमप्रकाश शर्मा, गण्डकी प्रदेश सदस्य प्रकाश डोटेल, प्रेस सेन्टरका गण्डकी प्रदेश अध्यक्ष अर्जुन काफ्ले, नेपाल प्रेस युनियन स्याङ्जाका अध्यक्ष प्रदिप कोइराला र प्रेस चौतारी नेपाल स्याङ्जाका अध्यक्ष शुशिल सुवेदी मुल आयोजक समितिमा रहेका छन् । बैठकले साधरणसभा सम्पन्न गर्न उपसमिति समेत गठन गरेको छ ।
अतिथि सत्कार उपसमितिको संयोजकमा उपाध्यक्ष भवानी अधिकारी, सदस्यहरुमा साधना न्यौपाने, कला राना रहेका छन् । आर्थिक उपसमितिको संयोजकमा कोषाध्यक्ष एकबहादुर गोदार (रमेश), सदस्यहरुमा अमृत अर्याल र खगेन्द्र भण्डारी रहेका छन् ।
त्यसैगरी मायाको चिनो तथा मन्च व्यवस्थापन उपसमिति संयोजकमा उपाध्यक्ष राधाकृष्ण डुम्रे, सदस्यहरुमा नारायण विक र जोगराज पाठक रहेका छन् ।
बैठकले प्रचार प्रसार उपसमितिको संयोजकमा महासंघका सचिव प्रतिक्षा काफ्ले र सदस्यहरुमा सह—सचिव तोलाकान्त वगाले, सह—सचिव भुपराज बस्याल रहने गरी निर्णय गरेको छ ।
साधरणसभामा जिल्ला समन्वय समिति स्याङ्जाका प्रमुख श्रीप्रसाद जिटीको प्रमुख आथित्यतामा र ११ ओटै पालिकाका प्रमुखहरुको बिशिष्ट आथित्यतामा सम्पन्न गर्ने गरी बैठकले निर्णय गरेकोे छ ।