स्याङ्जा २४ मंसिर । नेकपा ( एकीकृत समाजबादी) पार्टीको पुतलीबजार नगरपालिका वडा नं ९ मा आज वडा भेला सम्पन्न भएको छ ।
भेलाले तिलकप्रसाद गुरुङ को अध्यक्षतामा ३९ सदस्यीय वडा कमिटी चयन गरेको छ । कमिटीको उपाध्यक्षमा वसन्त थापा, सचिबमा कल्पना थापा, उपसचिव संजिव सुनार, उपसचिब हिरादेवी गुरुङ, उपसचिव नरेन्द्र रेग्मी लगायत चयन हुनुभएको छ ।
कार्यक्रमको उदघाटन गर्दे नेकपा (एकीकृत समाजवादी) का केन्द्रिय सदस्य प्रेमनारायण पौडेलले सच्चा कम्यूनिष्टहरुलाई एकिकृत समाजवादीमा गोलबद्ध हुन आग्रह गर्नुभयो ।
कार्यक्रममा केन्द्रिय सल्लाहकार परिषद सदस्य लोकराज शर्मा, जिल्ला कमिटी अध्यक्ष रामचन्द्र भट्टराई , उपाध्यक्ष बिष्णु गिरी , सचीव टिकाराम नेपाली, उपसचिव श्री गुरुङ, कार्यालय सदस्य राजेन्द्र मरासिनी, मुस्लिम इत्तेहाद संगठन नेपाल समाजवादी अध्यक्ष साहिरा बानु, जिल्ला कमिटी सदस्य तौरा बानु, युवा नेता जीवन पोख्रेल लगायतले शुभकामना मन्तब्य ब्यक्त गर्नुभएको थियो ।
नवीन गुरुङको अध्यक्षतामा सम्पन्न कार्यक्रमको संचालन जिल्ला कमिटि उपसचिव श्री गुरुङले गर्नु भएको थियो। नव निर्वाचित वडाकमिटी पदाधिकारी लगायत सदस्यहरुलाई आज नै सथप सहित बधाईका शुभकामना दिइएको थियो ।
