स्याङ्जा, ११ साउन । कालीगण्डकी गाउँपालिकाबासी सबैको स्वास्थ्य बिमा पालिकाले गरिदिने भएको छ ।
‘निरोगी कालीगण्डकी कार्यक्रम’ अन्र्तगत यहाँका नागरिकले निशुल्क स्वास्थ्य बिमाको सुबिधा उपभोग गर्न पाउने भएका हुन। आर्थिक बर्ष २०८७÷०८९ को नीति तथा कार्यक्रममा समावेश सो कार्यक्रमलाई गाउँसभाले पारित गरेको छ।
सोही कार्यक्रम बमोजिम ३२ वर्षीया बुद्धिकला दमैको स्वास्थ्य विमा गरेर पालिकाले कार्य सुरु गरिसकेको छ। पालिकाले अपाङ्ग, एकल र अति विपन्न वर्गलाई पहिलो प्राथमिकताका राखेर बिमा सुरु गरेको हो।
स्वास्थ्य बिमा वापतको बार्षिक प्रति परिवारको एक लाख रुपैंया पालिकाले तिर्ने भएपछि पालिकाबासी बिमितले पाउने सेवा सुबिधा निशुल्क पाउनेछन्।
दलित र एकल महिलाबाट सुरु गरेको स्वास्थ्य बिमाको सुबिधा असोज महिनासम्म सबै परिवारमा पु¥याईनेगरी काम अघिबढेको गाउँपालिकाका अध्यक्ष खिमबहादुर थापाले जानकारी दिनुभयो ।
‘गाउँपालिकाका ४ हजार ७ सय घरधुरी रहेको र उनीहरुका लागि २ करोड बार्षिक खर्च आउछ’, अध्यक्ष थापाले भन्नुभयोे, ‘यो सबै आन्तरिक स्रोतबाट ब्यवस्थापन गछौं।’
विस २०६८ को जनसंख्या विवरण अनुसार गाउँपालिकामा २२ हजार ७ सय २५ जना छन्। तर, अहिले झण्डैं २८ हजार जनसंख्या पुगेको पालिकाले जनाएकोे छ।
मुलुकको ठूलो जलबिद्युत आयोजना ‘कालीगण्डकी ए’ यही गाउँपालिकामा पर्दछ। पालिकाले रोयल्टीबाट ४ देखि ५ करोड रुपैंया पाउछ।
सर्वसाधारणलाई स्वास्थ्य सेवाको सुनिश्चितता सहित गुणस्तरीय स्वास्थ्य सेवा उपलब्ध गराउने बीमाको उद्देश्य हो। यो पारिवारीक बीमा कार्यक्रम पनि हो।
विस २०७२ कैलालीबाट सुरूआत गरिएको हो भने वार्षीक १ लाख बराबरको सेवा पाउँछन। बीमा बापतको रकम कुनै रोग विशेषलाई नभई साधन र स्रोतले भ्याएसम्म सबै प्रकारका रोगलाई दिइन्छ। ओपीडी , ल्याब, औषधीदेखि लिएर फार्मेसी परामर्श लगायत सेवा यसभित्र पर्दछ।
स्वास्थ्य विमाले ५ जनाको परिवारलाई एउटा इकाइ मानेको छ। पाँच जनाभन्दा बढी सदस्य रहेको हकमा प्रतिब्यक्ति थप ७ सय रुपैंया थप गर्नुपर्छ। कार्यक्रम अन्तर्गत प्रत्येक नागरिकले सूचिकृत अस्पतालबाट १ लाख सम्मको उपचारका लागी खर्च गर्नु पर्दैन। उनीहरुले सोही रकमबाट उपचार खर्च कटौती हुन्छ। एक पटक विमा गरेपछि यो बर्षदिनमा लागि मात्र हो।
