स्याङ्जा २३ फागुन । स्याङजा जिल्ला उद्योग वाणिज्य संघ स्याङ्जाले नवआगन्तुक कार्यालय प्रमुखलाई स्वागत एवं सम्मान गरेको छ ।
संघका नवनिर्वाचित पदाधिकारी सहित सदस्यहरुले नवआगन्तुक प्रमुख जिल्ला अधिकारी सुनिता नेपाल, प्रहरी उपरीक्षक शालिकराम पौडेल, अनुसन्धान कार्यालय प्रमुख सुशान्त बराल, ट्राफिक प्रमुख कृष्णबहादुर मल्ल र करदाता कार्यालय प्रमुख बिजय भुषाललाई स्वागत गरेको छ ।
संघको कार्यालयमा आयोजित स्वागत कार्यक्रममा बोल्दै प्रमुख जिल्ला अधिकार सुनिता नेपालले प्रहरी, प्रशासन र उद्योग वाणिज्य संघबीच सहकार्य गर्दै ब्यवसायी र उपभोक्ताका हितका पक्षमा काम गर्ने बताउनुभयो । उहाँले जथाभावी पार्किङ, होडिङ बोर्ड, फुटपाथ अतिक्रमणका कारण पैदल यात्रुलाई नकरात्मक असर पारेको जनाउदै यसका नियन्त्रणका लागि स्थानीय पालिका, संघ र प्रशासन मिलेर काम गर्ने बताउनुभयो ।
कार्यक्रममा प्रहरी उपरीक्षक शालिकराम पौडेल, करदाता सेवा कार्यालयका प्रमुख विजय भुषाल, नागरिक समाजका अध्यक्ष ओमप्रकाश शमार्, उद्योग वाणिज्य संघका सदस्य सूर्यप्रसाद शर्र्मा लगायतले शुभकामना मन्तब्य ब्यक्त गर्नुभएको थियो ।
संघका अध्यक्ष महादेव श्रेष्ठको अध्यक्षतामा सम्पन्न कार्यक्रममा वरिष्ट उपाध्यक्ष भीमकुमार श्रेष्ठले स्वागत एवं महासचिव रविन केसीले संचालन गर्नुभएको थियो । अधिकांश बक्ताहरुले पोके ब्यबसायी नियन्त्रण गर्न अनुरोध गरेका थिए ।