स्याङ्जा ११ पुस । धर्म र बिज्ञान बिषयमा कालीगण्डकी नदी किनारमा २ दिने सेमिनार गरिएको छ। मंगलबार र बुधवार आयोजित कार्यक्रममा देश तथा विदेशका धर्म, बिज्ञान र संस्कृतिबीज्ञ सहभागि थिए ।
गल्याङ नगरपालीका १ मालुंगा स्थित उत्तरबाहीनी क्षेत्र अन्र्तगत कालीगण्डकी नदी किनारमा दुई दिनसम्म धर्म र बिज्ञान बिषयक गोष्ठी गरिएको हो। ‘सेमिनार अन हार्मोनी इन साईन्स एण्ड रिलिजन’ बिषयक कार्यशाला गरिएको हो।
कालीगण्डकी ज्ञान विज्ञान प्रतिष्ठानको आयोजनामा उत्तरबाहीनी क्षेत्रमा धर्म र बिज्ञान को अन्तर सम्बन्ध केलाई भाइचाराबीचको सदभाव र समन्वय बढाउने उदेश्यले कार्यशाला गरीएको प्रतिष्ठानका अध्यक्ष चेैतन्य कृष्ण महाराजले जानकारी दिनुभयो ।
ज्ञान विज्ञान प्रतिष्ठान र गुरुकुलमको सभाहलमा श्री चैतन्य शास्वत सभाको समेत आयोजनामा गरिएको हो । नेपाली र अंग्रेजी भाषामा गरिएको सेमिनारमा भारतका डा. भक्ति निष्कार्म सन्त महाराजले धर्म र विज्ञान मिलेर नै आधुनिक मानव जीवनको बनेको बिचार ब्यक्त गर्नुभयो । उहाले धर्म र बिज्ञानका बारेमा कार्यपत्र प्रस्तुत गर्नुभएको थियो ।
सोही कार्यक्रममा डा. श्रीवास कृष्णदास ब्रम्हचारी, डा. चिरन्जीवी शर्मा, डा. केशव प्रपन्नाचार्य, प्रा.डा. मोहन खरेल, प्रा. डा. रजनी मल्ल, प्रा.डा. द्धय मोहन खरेल र रामप्रसाद अर्यालले पनि धर्म र बिज्ञानबिचको सम्बन्धका बारेमा छुट्टाछुट्टै कार्यपत्र प्रस्तुत गर्नुभएको थियो ।
यसैगरी, डा. बिद्यानाथ कोइराला, डा. भगवान कोइराला, डा. दामोदर रेग्मी, सञ्चारकर्मी टिकाराम यात्री, राजेन्द्र बानिया, शालिक सुवेदी लगायतले भर्चुअल बिधि मार्फत धर्म र बिज्ञानका बारेमा आ आफना भनाई सहितका बिचार ब्यक्त गर्नुभएको थियो ।
यसैगरी, कालीगण्डकी ज्ञान विज्ञान प्रतिष्ठानद्धारा संचालित गुरुकुलममा अध्ययनरत छात्रका लागि काठमाण्डौं निवासी रमा बस्यालले २ लाखको अक्षयकोष स्थापना गर्नुभएको छ । गुरुकुलमा कक्षा ६ देखि १० सम्म ४५ जना छात्र अध्ययरत छन्।