स्याङ्जा, २६ भदौ । पुतलीबजार नगरपालिका १० मा जीपले ठक्करबाट छ वर्षीय बालक आयोन गुरुङको शनिवार साझ मृत्यु भएको छ ।
राङखोलास्थित भित्री सडक खण्डमा राङखोलाबाट समाताटोलतर्फ आउदै गरेको लु १ च ६०७९ नम्बरको जीपले ठक्कर दिँदा गुरुङको घटनास्थलमै मृत्यु भएको प्रहरी नायब उपरिक्षक राजेन्द्रप्रसाद अधिकारीले जानकारी दिनुभयो ।
बालकको शव पोष्टमार्टमको लागि जिल्ला अस्पताल राखिएको छ। जीप चालक २८ वर्षीय निरज शाही फरार छन्। उनको खोजतलास सहित अनुसन्धान सुरु गरिएको प्रहरीले जनाएको छ ।