स्याङ्जा ४ पुस । आँधीखोला गाउँपालिका स्तरीय चौथो राष्ट्रपति रनिङ शिल्ड प्रतियोगिताको उपाधी श्रवण माध्यमिक बिद्यालय वाङ्सिङ्ले जितेको छ।
बिभिन्न खेलकूद प्रतियोगितामागरी सो बिद्यालयले ३ स्वर्ण, २ कास्य पदक जितेर उपाधी हात पार्न सफल भएको हो।
त्रिसहिद नमूना माबि पञ्चमूलले २ स्वर्ण, ४ कास्य र एक रजत पदक जितेको छ भने जनप्रदीप मावि चिलाउनेबासले पनि २ स्वर्ण ३ रजत र एक कास्य पदक जितेको छ।
प्रघुम्न पनेरु माविले १ स्वर्ण १ रजत ४ कास्य, अन्धा अन्धी माविले १ स्वर्ण २ रजत, जनहित माविले एक स्वर्ण र राष्ट्रिय मावि र सेपत माविले एक÷एक कास्य पदक जित्न सफल भएका छन्।
भलिवल, कपर्दी, एथलेटिक्स लगायतमा १० स्वर्ण, १० कास्य र १० रजत पदकका लागि छात्र, छात्राबीच छुट्टाछुट्टै प्रतियोगिता भएको थियो। प्रतियोगितामा गाउँपालिकाका १२ वटा बिद्यालयको सहभागिता रहेको गाउँपालिकाका अध्यक्ष विश्व पौडेलले जानकारी दिनुभयो ।
यसैगरी, छात्रातर्फको श्रवण मावि र पुरुषतर्फको त्रिसहिद माविले उपाधी जितेको सूचना प्रबिधी अधिकृत रोशन लामिछानेले जानकारी दिनुभयो ।
आँधीखोला गाउँपालिका १ पञ्चमुलमा स्थित त्री– सहिद नमुना माबि को खेल मैदानमा ३ दिन सम्म सञ्चालित प्रतियोगिताका उपाधी विजेता एवं पुरस्कृत सहभागीलाई अध्यक्ष विश्व पौडेल र उपाध्यक्ष सीता थापाले शिल्ड, प्रमाणपत्र र ट्रफी प्रदान गर्नुभएको थियो ।