स्याङ्जा २९ जेठ । रोजगारका लागि विदेशमा जानेका लागि चापाकोट नगरपालिकाले श्रमस्वीकृति सेवा सुरु गरेको छ ।
नगरप्रमुख देवबहादुर खाँण (इश्वर) ले सोही नगरपालिका ८ निबासी भुवनप्रसाद ढकाललाई आइतवार पहिलो श्रमस्वीकृति सेवा उपलब्ध गराएर सेवा सुुरु गरिएको हो ।
वैदेशिक रोजगारमा जाने ब्यक्तिका लागि सहज एवं पारदर्शी सेवा प्रवाहका लागि स्थानीय पालिकाबाटै सेवा प्रदान गर्ने उद्देश्य अनुरुप नगरपालिकाले श्रम स्वीकृति एवं पुनः श्रमस्वीकृति प्रदान गर्न थालेको नगरप्रमुख खाँणले बताउनुभयो ।
श्रम स्वीकृतीका लागि राहदानी, एक प्रती पासपोर्ट साइज फोटो, पारिवारिक विवरण, बैंक खाता (चेक प्रतिसहित), व्यक्तिगत इमेल आइडी र सम्पर्क मोबाइल नम्बर, रोजगारदाताले दिएको सम्झौता पत्र, भिजाको प्रतिलिपी सहित स्थानीय तहको रोजगार सेवा केन्द्र निशुल्क अनलाइन आवेदन दिन सकिने रोजगार शाखा संयोजक प्रेम रेग्मीले जानकारी दिनुभयो ।
संघिय सरकारले बैशाख १ गतेदेखि नगरपालिकाको रोजगार सेवा केन्द्र मार्फत श्रम स्विकृति दिन सक्नेगरी स्थानीयतहलाई अधिकार दिएको थियो। आफनै पालिकाबाट यस्तो सुबिधा पाएसंग वेैदेशिक रोजगारमा जानेहरुले खुशी ब्यक्त गर्दे रपैंया, झन्झट र दुखबाट मुक्त भएको जनाएका छन् ।
चापाकोटसंगै जिल्लाका ५ वटै नगरपालिकाबाट श्रम स्वीकृती सेवा सुरु भएको छ ।