स्याङ्जा २९ माघ । गण्डकी प्रदेश मुख्यमन्त्री खगराज अधिकारीले पुतलीबजार नगरपालिका २ मा नबनिर्मित ज्यामिरे बहुउदेश्यीय कभर्डहलको उदघाटन गर्नु भएको छ ।
उदघाटन गर्दे शहरको भित्री भागमा रहेको गाउँमा सुबिधासम्पन्न कभर्डहल निर्माण हुनु सुखद पक्ष रहेको बताए। यस्ता खालका योजनाले गाउँ गाउँमा भएको विकासको प्रतिविम्बित भएकोमा बताउनुभयो । खानेपानीको समस्या रहेको सो गाउँमा आवश्यकता अनुसार खानेपानीका योजना संचालन गर्ने आश्वसान दिनुभयो । भर्खरै मुख्यमन्त्री भएको जनाउदै प्राथमिकताका आधा।रमा अघिल्ला सरकारका राम्रा कामलाई निरन्तरता दिने उहाले जनाउनुभयो ।
कार्यक्रममा गण्डकी प्रदेशका अर्थमन्त्री सीता सुन्दास र प्रदेससभा सदस्य सुधिरकुमार पौडेल, पूर्व संघिय सांसद नारायणप्रसाद मरासीनी, पूर्व प्रदेशसभा सदस्य मीनप्रसाद गुरुङ्, जिल्ला समन्वय समिति स्याङ्जाका प्रमुख श्रीप्रसाद जीटी लगायतले शुभकामना ब्यक्त गर्नुभएको थियो ।
एक रोपनी ११ आना १ पैसा २ दाम क्षेत्रफलमा निर्मित बहुउद्धेश्यीय कभर्डहल १ करोड २७ लाख ३७ हजार रुपैंयाको निर्माण गरिएको वडा अध्यक्ष भिमबहादुर गुरुङ्ले बताउनुभयो । विस २०७७ सालदेखि निर्माण सुरु गरिएको बहुउदेश्यीय कभर्डहलका लागि संघीय सांसद विकास कोषको ५ लाख, गण्डकी प्रदेश पर्यटन मन्त्रालयले २ आर्थिक बर्षमागरी २० लाख, वडा कार्यालयको ६ लाख २५ हजार, स्वदेश तथा विदेशबाट ८६ लाख २३ हजार र ९ लाख ८८ हजार मूल्य बराबरको जनश्रमदान जुटेको हो। परियोजना निर्माण समितिका अध्यक्ष आशबहादुर गुरुङ्ले जानकारी दिनुभयो ।
ज्यामिरे बहुउदेश्यीय कभर्ड हल निर्माण भएसंगै अव यहाँ बिभिन्न प्रकारका खेलकुद प्रतियोगिता (भलीबल, फूटवल, वास्केटबल लगायत बिभिन्न प्रतियोगी खेलकुद प्रतियोगिता, बिभिन्न जातजातीका (जन्मदेखि मृत्युपर्यन्त मनाईने धर्म, संस्कार) सहित बिभिन्न जातीय कला संस्कृति प्रर्दशन एवं मनाउन सजिलो भएको स्थानीयबासीका भनाई छ ।
