स्याङजा १८ साउन । पुतलीबजार नगरपालिका १ निवासी प्रकाश रेग्मी खेलकूद विकास समितिको अध्यक्षमा मनोनित हुनु भएको छ ।
खेलकूद परिषदका अध्यक्ष एवं गण्डकी प्रदेश सामाजिक विकास तथा स्वास्थ्य मन्त्री स्तरीय निर्णयअनुरुप रेग्मीलाई मनोनित गरिएको जनाइएको छ ।
खेलकूद विकास नियमावली २०७८ को नियम ११ को उपनियम ४ बमोजिम ४ बर्ष पदावधि रहनेगरी प्रदेश खेलकूद विकास नियमावली बमोजिम मनोनित गरिएको सदस्य सचिव श्रीधर शर्माद्धारा हस्ताक्षरित पत्रमा उल्लेख गरिएको छ ।
प्रदेश खेलकुद विकास ऐन २०७७ र नियमावली २०७८ तथा प्रचलित कानूनले तोके बमोजिम अध्यक्षको जिम्मेवारी बहन गर्न समेत सुझाव दिइएको छ ।
रेग्मी खेलकूदप्रति जानकार र चासो राख्ने युवा हुनुहुन्छ । उहाले फूटवल, क्रिकेट लगायतका खेलका बिभिन्न समितिमा रही कामगरिसक्नु भएको छ ।