स्याङ्जा १८ फागुन । पुतलीबजारमा बसेर शोैन्दर्य ब्यवसाय गर्दे आएका केही ब्यवसायीले क्यान्सर पिडित आश्मा आलेलाई नगद सहयोग गरेका छन् ।
ब्यूटिपार्लर एशोसियशन पुतलीबजारमा आवद्ध केही ब्यूटिशियनले उपचारमा सहयोग पुरयाउने उदेश्यले १७ हजार ५ सय नगद सहयोग गरेका हुन ्।
पुतलीबजार नगरपालिका ७ मोहरियामा जन्मेकी २२ बर्षिया आलेको आन्द्रामा क्यान्सर देखिएको छ। भरतपुर स्थित क्यान्सर अस्पतालमा उहाको उपचार भैरहेको छ ।
कमजोर आर्थिक अवस्था भएका कारण उपचारका लागि आवश्यक जुटाउन कठिन भैरहेको थाहा पाएपछि केही साथीहरु मिलेर सहयोग गरेको अध्यक्ष माया गोर्खालीले जानकारी दिनुभयो ।
कलिलो उमेरमा क्यान्सर पिडित उनलाई शौन्दर्य ब्यवसायीले मात्र एक÷दुई हजार रुपैंया संकलन गरेर आलेका आमालाई हस्तान्तरण गरेका छन्।
सहयोगीदातालाई धन्यवाद दिदै आमाले भन्नुभयोृ, ‘पेट दुख्यो भनेर स्याङ्जा पोखराका निजी तथा सरकारी अस्पतालमा उपचारका लागि पु¥याऔं। औषधी खाइन्जेल अलि ठिक भए जस्तो हुने पछि फेरि दुख्ने गथ्र्यो। क्यान्सरले छोईसकेको रहेछ। चिकित्सकले थप उपचारकालागि भरतपुर लैजान सुझाव दिए। अहिले उपचार गरिरहेका छौं। किमो चढाइरहेका छौं। यसको प्रक्रिया पुरा भएपछि शल्यक्रिया गरिने चिकित्सकले भन्नुभएको छ ।’