स्याङ्जा १० चैत । कृषि विकास बैंकले ग्लोबल मनि वीक सप्ताहब्यापी कार्यक्रम गरी मनाएको छ।
सन् २०१२ देखि मार्च महिनामा संसार भर मनाउँदै आएको साक्षरता वित्तीय कार्यक्रमलाई कृषि विकास बैंकले चापाकोटको जनज्योति माविमा सम्पन्न गरेको हो । जनज्योति माविमा अध्ययनरत कक्षा ९, ११ र १२ का करिव ७५ जना विद्यार्थीहरुलाई वित्तिय साक्षरता प्रदान गरिएको बैकका कर्मचारी भिष्मा जोशीले जानकारी दिनुभयो ।
तालिममा प्रविधिमैत्री बैकिङ कारोबारको आजको आवश्यकताको महत्व हुँदाहुदै पनि विद्यार्थीहरु माझ बैक पुर्याउनु पर्ने विद्यालयका प्राचार्य गुरु प्रसाद पंगेनीले बताउनु भयो । विद्यार्थीहरुलाई बैंक खाताको महत्व, खाताबाट कारोबार गर्दा हुने फाइदा, विद्युतीय कारोबार गर्दा अपनाउनु पर्ने सावधानी, पारिवारिक खर्चको लेखापालन जस्ता विषयका सम्बन्धमा जानकारी दिएको थियो।
कार्यक्रममा कृषि बैक चापाकोट शाखाका प्रबन्धक सरोज अर्यालले शहरदेखी गाउँसम्म २८१ शाखा सञ्जाल भएको तपाई हाम्रो घर आँगनको कृषि विकास बैंकसँग कारोबार गरि आधुनिक बैकिङ सुविधाहरु उपयोग गरि लाभ लिन आग्रह गर्नुभएको थियो।