स्याङ्जा १५ चैत । बिहीवार (आजदेखि) संचालित माध्यमिक शिक्षा परीक्षा (एसईइ) मा किरियामा बसेका २ दाजुभाई सहभागी हुनुभएको छ ।
पुतलीबजार नगरपालिका ४ स्थित सरस्वती माध्यमिक बिद्यालय परिक्षा केन्द्रबाट संगम क्षेत्री र सौगात क्षेत्रीले अंग्रजी बिषयको परीक्षा दिनुभएको हो ।
आफना बाबाको मृत्युको चौथो दिने अंग्रेजी बिषयको पहिलो परीक्षा दिएका संगमको ०४३००५६५ आई र सौगातको ०४३००५६८ एल सिम्बोल नम्बर रहेको छ । फेदिखोला गाउँपालिका ४ का बासिन्दा उहाहरु सिदार्थ माबि फेदिखोलाका बिद्यार्थी हुन ।
शिक्षा बिकास तथा समन्वय इकाई स्याङ्जाका प्रमुख बिश्व राज आचार्यले पहिलो दिनको परीक्षामा ४ हजार ९९ जना परीक्षार्थी सहभागी भएको जानकारी दिनुभयो । उहाका अनुसार, पहिलो दिनको परीक्षामा १९ छात्रा र १६ छात्रगरी ३४ जना अनुपस्थित रहे।
स्याङ्जामा रहेका १ सय ६८ बिद्यालयका ४ हजार १३३ परिक्षार्थीले स्याङ्जा भरका २६ वटा परीक्षा केन्द्रबाट परीक्षा दिदै छन ।