स्याङ्जा ५ साउन । वालिङ्मा एसइइमा उत्तीर्ण विद्यार्थीहरुलाई सम्मान एवम् करियर काउन्सिलिङ गरिएको छ ।
अखिल नेपाल विद्यार्थी युनियन वालिङले विद्यार्थीलाई सम्मान एवम् करियर काउन्सिलिङ गरेको हो । कार्यक्रमको उद्घाटन गर्दै नेकपा एमाले गण्डकी प्रदेशका उपाध्यक्ष मोहन रेग्मीले प्रतिस्पर्धामा पहिलो बन्ने प्रयास गर्नुपर्ने बताउनुभयो ।
गण्डकी प्रदेशका विधायन समितिका पूर्व सभापतिसमेत रहनुभएका रेग्मीले २१ औं शताव्दी टेक्नोलोजीको शताव्दी भएकाले विद्यार्थीहरुले समयको मागलाई बुझेर प्रतिस्पर्धामा अव्वल बन्नेगरी अध्ययनलाई अगाडि बढाउनुपर्नेमा जोड दिनुभयो ।
आ आफ्नो क्षमताका आधारमा विषय छनौट गरेर उच्च शिक्षा हासिल गर्न आग्रह गर्दै नेता रेग्मीले हामीले गन्तव्य प्राप्तीका लागि निरन्तर लाग्नुपर्ने उल्लेख गर्नुभयो कार्यक्रममा एसइइमा उत्तीर्ण वालिङ क्षेत्रका विद्यार्थीहरुलाई प्रशंसा पत्रसहित सम्मान गरिएको थियो ।