स्याङ्जा १६ बैशाख । पुतलीबजार नगरपालिका वडा नं. २ स्थित दुर्गादेवी सामुदायिक सिकाई केन्दको आयोजना तथा वडा कार्यालयको आर्थिक सहयोगमा २ दिने उदघोषण कला तालिम सम्पन्न भएको छ ।
महिला तथा युवाहरुको क्षमता अभिबृद्धि गर्ने उदेश्यले आयोजित तालिमको समापनका अवसरमा बोल्दै वडाअध्यक्ष भीमबहादुर गुरुङ्ले तालिमलाई ब्यवहारमा उतार्न सुझाव दिनुभयो । तालिमले सकारात्मक प्रभाव पारेको जनाउदै आउदा दिनहरुमा समेत यस्ता तालिमलाई वडाले प्राथमिकतामा राखेर काम गर्ने बताउनुभयो ।
उहाले भन्नुभयो, ‘जवसम्म ब्यक्तिले बोल्दैन तबसम्म उसका आवश्यकताका बारेमा थाहा हुदैन। त्यसैले सबैभन्दा पहिला आफना आवाज निकाल्नै पर्ने हुदा यस्ता तालिमको आवश्यकता महसुस गरेर कार्यक्रम उपलब्ध गराएका हौं।’
कार्यक्रममा प्रशिक्षक द्धय भवानी अधिकारी र मोतीप्रसाद मरासिनी, वडा सदस्यहरु एवं सहभागी द्धय सम्झना कुँवर र बाग्मती नेपाली, आमा समूहका गीता क्षेत्री, युवा क्लवका सुवेस शर्मा लगायतले तालिमको आवश्यकता र प्रभावकारिताका बारेमा जानकारी गराउनुभएको थियो ।
दुर्गादेवी सामुदायिक सिकाई केन्दका अध्यक्ष युवराज पराजुलीको अध्यक्षतामा सम्पन्न कार्यक्रमको संचालन तालिमका सहभागी पवित्रा शर्माले गर्नुभएको थियो ।
तालिममा टोल विकास संस्था, आमा समूह र युवा क्लवका पदाधिकारी एवं सदस्यहरु सहभागी थिए । तालिममा उदघोषण कला, नेतृत्व विकास सकारात्मक सोच, बैठक संचालन, औपचारिक एवं अनौपचारिक कार्यक्रम निर्माण एवं संचालन, वाद विवाद समाधान सम्बन्धि बिबिधि बिषयमा प्रशिक्षण दिइएको थियो ।
